0
樓底好高，地方好乾淨整潔，牆身貼不同圖案既貼紙，滿特別的。天花高高掛住波波吊燈，襯托得整體感覺好溫暖，和諧。
order分两層出，上層係廚房，下層係水吧，由外面已睇到哂水吧成個制作過程。
名字好長喔😄不過有咩料就5洗問都已清楚哂了😄😄
沙律菜非常新鮮，份量好多，成座山咁高，配搭埋自制既杏脯橙醬一齊食，酸酸甜甜，陣陣橙香，口感好清新，打破一般傳統沙律醬或酸醋既沈悶。
酥炸軟殼蟹，肉質軟綿綿，唔會霉，外脆內軟，非常香口。
再食埋西柚同車厘茄，超醒胃。
讚！讚！👍👍
魷魚圈新鮮鮮炸，上枱仲係熱辣辣的，食落煙煙韌韌，好滑，好好咬口。
炸粉唔會太厚而感到熱氣，底層舖滿沙律菜，同時夾埋魷魚圈點小小他他醬食，簡直是完美組合。
大大個，非常足料，煙肉有2大塊，車打芝士，洋蔥圈…
如果食到生野，漢堡可點5成熟，剛剛好，唔會太生，肉質鮮嫩，啖啖肉汁，煙肉同車打芝士令到整體味覺更加提升。
個set仲跟埋大量薯條同沙律菜。
溫馨提示:呢個餐太大份啦，2個人食會好啲，1個人食會比較溜，而且不能試到其他食物。😣
墨魚汁濃濃的唔會太稀，並 帶出魷魚既鮮味， 魷魚好新鮮好滑溜， 而且唔會韌，意粉軟硬適中，小小既辛辣味道更刺激味覺神經，果然係皇牌必點食物之一。
讚！讚！👍👍
好大杯喔，飲左半杯已好飽，真係好抵飲。
牛油果好滑，乳酪更是醒胃，咬落粒粒碎沙冰口感一流。
每樣食物都好大份，如果想食多啲其他野食，最好約多幾個朋友仔來。
服務生態度很好，又是愉快的一晚。😊
沒有留言:
張貼留言