元朗友緣西餐廳

門口看上去就像去左銅鑼灣利苑一帶食市，環境舒適，很有格調，但又不會冷傲得令人卻步，平民化價錢，多元化選擇，食物有自己特色，而且有一定既水準。讚!讚!

                

wellcome drink

一坐底，侍應已為你準備了一杯用熱帶果同乳酸調制既wellcome drink，味道就好似果汁味益力多，酸酸微微的，很開胃。

除左套餐外，仲有多款精選升級小食同甜品，每款都係幾十蚊，仲要冇限制點餐，你可以一次過點哂都得，十分抵食，很好既推廣。👍👍

               

南瓜忌廉湯

餐湯帶著香濃既南瓜味，而且食落仲有啲南瓜蓉，既香滑又有口感。

        

鵝肝伴黑車厘子 - 跟餐升級優惠價 HK$ 62

我們點左两份套餐，外加3款精選升級小食…

鵝肝外層煎到香脆可口，咬落啖啖油脂甘香，入口即溶，連埋蒜蓉包一齊食，認真絕配，大家互不搶味，非常協調，食完都唔會覺得肥膩。
推介!👍👍

                

鮮帶子雜菜沙律 - 跟餐升級優惠價 HK$ 48

帶子煎到外層金黃色，十分香口，配搭埋唔同既沙律菜，賣相十分吸引。

                

白酒煮藍青口 - 跟餐升級優惠價 HK$ 65

白酒輕易帶出青口既鮮味，食落鮮甜味美，個湯經過烹調既過程，酒精已揮發掉，只剩底陣陣酒香，外加蒜蓉包再索埋個湯汁一齊食，更是出色。

         

比目魚拌虎蝦餐 HK$ 148

比目魚扒，肉質鬆化，煎完唔會太油，很香口野味。
虎蝦夠大隻，肉質結實彈牙，充滿蝦味。
其他配菜也很好吃。

                

燒黑毛豬鞍扒 - 跟餐另加$35 HK$ 218

蘋果泥配黑毛豬鞍，豬鞍煎至剛熟，唔會粗糲，肉質非常嫩滑，滲出啖啖肉汁，蘋果蓉酸溜溜的，意想不到两者竟是妙配，味覺上的驚喜。
推介!👍👍

後記:侍應服務態度很好，笑容親切有禮，很滿意的一餐晚飯。我們友緣再聚吧💕