今次同朋友聚會揀左間有粥底蒸氣鍋既放題去試下，3位以上已有得feer了，仲有海鮮任你食。
蒸氣鍋散發住陣陣滕籃味，上格係蒸食物用，下格係粥底，當蒸食物既時候，食物既味道同汁液會流落粥到，到最後就可以食粥架啦，食既時候如果粥太濃，或太咸就可以叫服務員加番啲湯落粥，溝番淡小小先食,更加滋味。
店員教個鍋泥到要等佢滾到出哂煙，先可開始蒸野食，如果5係就好難再出煙，蒸氣主力喺中間出煙，所以比較厚身大件放中間其他可放旁邊
一般海鮮蒸6，7分鐘開番口就可以食得，建議海鮮就唔好蒸太耐，如果唔係就會變韌啦～
蒸海鮮時可加小小蒜泥同豉油，味道會更加出色。除左海鮮仲有其他食物比你蒸，雞件都係一個好選擇，醃到入哂味蒸完仲好滑
放題當然唔少得刺身啦，
甜蝦，帶子夠鮮甜彈牙，
三文魚，希靈魚油脂分佈均勻，
北寄貝，蠑螺好新鮮爽口。
溫馨提示:個盆係無冰底,所以點完最好快D食哂佢,刺身一唔凍就會唔好食
壽司款式都好多款式,點左幾款卷物試試,味道都幾好,夠新鮮
不過我要留肚食蒸氣鍋,所以今次唯有食小D飯啦
其他小食都係細細份咁出order,更合我心意,可以乜都試小小,又唔會浪費食物。
熱食試左幾款都唔錯，當中牛柳粒最好食，八成熟，唔會韌又夠哂juice。
沙律冷盤一樣正，餐前小吃好一流。
黑豚肉同牛舌燒得好香口，味道就像重慶燒一樣惹味。
芝士焗蠔，沙律醬混合埋濃濃既芝士醬，好香滑，食完令人好回味。
燒三文魚胶，外層脆卜卜好甘香，魚肉好滑，充滿魚香味。
後記:
食物點完好快上枱，十分有效率，两小時既放題，足夠你食勻哂所有食物。
店員十分欣勤招呼每位客人，每枱耐心講解蒸氣鍋食法，讚！
沒有留言:
張貼留言