芝味行-太子米走雞

我其實係一個雞煲狂熱，20年前香港未興雞煲，我已經常上深圳食向西雞煲，後來慢慢香港都興起雞煲，邊到有雞煲食我就會去試下。

                

芝士黃金雞煲 HK$ 148

麻辣雞煲真係食渾全港9，芝士雞煲就第一次食。睇住啲芝士粒同洋蔥粒滿滿的舖滿成個煲，已經是視覺享受。
雞件係事先用芝士醃制煮熟再放落煲上枱架，所以芝士一溶哂滾起左就可以開動啦！

＊溫馨提示大家:
滾起就可熄細火啦，唔係就會好易痴底架～

每件雞都大大件啖啖肉，睇住啲芝士一絲絲咁 痴住啲雞件，未食都已經流哂口水。
雞肉滲透哂芝士既香濃味道，令到本身已夠嫩滑既雞件更加滑滑溜。
牡丹雖好都要綠葉扶持，洋蔥先生絕對做好呢個角色，佢令到整個雞煲更加香甜。

讚!讚!👍👍

記得要食哂啲雞件先好加湯呀，如果唔係剩下既雞件就會變左另一回事，食落就會無哂之前既效果啦。
加既湯都係芝士湯，一於芝芝芝到底呀～~

                

黑松露蟹籽魚麵 HK$ 138

最好一開始就先加黑松露蟹籽魚麵落個湯到先煮泥食，成個煲充滿黑松露既陣陣香味，令到整體味覺更加出色。
魚麵好彈牙，黑松露既香味，同魚既鮮味本身都好豐富，咬落仲會咬到粒粒魚籽，口感非常。

讚!讚!👍👍

                

特級霜降和牛 HK$ 288

霜降和牛，肉質非常鮮嫩，就算唔小心滾耐左都唔會韌，咬落充滿肉汁，牛既香味都唔會比芝士蓋過，夾埋洋蔥一齊食，認真絕配。
每件牛又厚又大塊，都有成隻手掌心咁大塊，一盆有好多塊，感覺就好似食極食唔完😆😆

讚!讚!👍👍

                

哈哈蝦中寶 HK$ 118

名字好得意，意思就好似佢個名咁，果然寶物蝦中尋，夠哂特色。
外面是用魚滑同蟹籽打成， 中間有原隻蝦肉。好新鮮好彈牙，而且仲要好大件，如果一個班朋友，一人一件都好足夠。

讚!讚!👍👍

                

鮮脆鯇魚腩 HK$ 78

脆鯇腩好新鮮，又大件，睇得出係新鮮運到。
朋友同我講，佢好少食脆鯇，平時都係一件起两件止，點知一食，食左成半碟有多，食得多過我喔～

讚!讚!👍👍

                

蘿蔔 HK$ 28

一般打完邊爐都會覺得好熱氣，最好點份蘿蔔中和一下，清清熱氣。
蘿蔔好新鮮，食落無渣，煮到腍哂索埋湯汁食一流~

如果人少少又想乜都食下，食物可以點半份架~

後記:
員工親切有禮，地方通空氣流通，就算打完邊爐都唔會一身味道。👍👍