緣聚西日餐廳

舊舖成日行過見好多人排隊都未試過，見佢剛搬左新舖，就約埋朋友仔泥試下先。

7點前離座都係$158，蠔+松葉蟹任食可另加$78，好抵呀！
而且新舖以懷舊特色做裝修，令人有一種好輕鬆既感覺。

先泥點餐前小食ready下肚仔，每次去親放題都會叫芝麻八爪魚同辣味螺肉泥嗒下😛
白雲鳳爪較淡口，我比較喜歡勁辣口味。

刺身都唔錯，幾新鮮，甜蝦夠鮮甜彈牙，魷魚好爽口，三文魚好肥美，帶子夠口感。

可惜我地得两個人就點唔到太多款食品，唯有每款試小小啦😖

台灣腸燒得幾香脆，質素同喺台灣食落都幾似。
黃金燒蠔都幾creamy同香口，見到隔離枱果班客人都大量咁食

太厲害了。
燒波羅夠哂酸酸微微，好醒神。

羊架肉質嫩滑，夠哂騷，配埋黑椒汁食仲香口

卷物同壽司質素好好，有時就咁食刺身會覺得有啲溜，搭番舊飯一齊食仲好食，飯粒軟硬適中，細細件，一啖一口。
火炙系列好出色，燒完散發住香濃既芝士味，好香口惹味。

一場泥到無理由唔加$78生蠔松葉蟹任食囉，食一盆都已回本了！
點幾多個就比幾多個，唔會比小小同慢慢出，要你等到頸長。
生蠔好新鮮，口感丰富，即叫即開。
松葉蟹肉質結實唔會又水又霉，夠新鮮！

為求乜都點下，喺肚仔仲有空位既時候當然要點番個火鍋試下如何。

湯底要左昆布牛肉味，甜甜地幾得意。再要左份肥牛，青口同鮮蝦試下，一樣新鮮，肥牛肥得泥唔會好肥，而且滾完都唔會韌，牛味都重，唔錯。

自制蕉糖芝士雪糕好正呀，蕉糖燒過脆脆地咁，芝士雪糕更加讚讚，帶點咸咸地，好香濃既芝士味，同好滑。

榴槤雪糕比偏甜，不過榴槤味都濃郁。

後記:
元朗放題水準不比市區差，而且两個小時既放題，出單夠哂快手，咁客人先可食得更多食物。😆
店員手腳都非常快手，落單快，執野快，好有效率！