佐敦皇朝飲食

平時去開渡船角文英街，個個都係食串燒，今次第一次喺呢條街食西餐，意想不到食出驚喜! !細細既店鋪，可以有呢個水準 !

一人一廚一伙計一手包辦，見到老闆為每位客人精心既準備，忙碌不停，完全感覺到，佢對工作既熱誠同為生活既打拼。
聽老闆說而家呢個市道， 呢一類小店想生存真係好困難 ，通貨澎脹得咁厲害，租貴，物價貴，人工貴，市道又唔好，人流少左，遊客都無個，經營好困難，唯有乜都自己落手落腳啦！
想生意好，一定要造到質量好而且又不能太高價，靠熟客靠口碑先至生存到。
所以推出左呢個晚市套餐，$298一位，
包括:餐湯，有機沙律，扒類，同飲品。

餐湯方便，會經常轉變，有時是三文魚湯，蠔湯，龍蝦湯，蘑菇湯，不同變化。雜菜湯就飲得多，番茄三文魚湯都係第一次飲，好足料，啖啖三文魚肉，而且番茄溶已蓋過左魚既腥味，飲落充滿魚香味。

沙律是用不同款式既有機菜加芝士同黑醋整的，大大盆份量很多，食得出菜非常新鮮，而且濃濃既黑醋汁更加令人開胃醒神，食完個沙律菜，人都健康啲😜。

喺等待既時候已聞到廚房傳出陣陣既煎牛扒味，十分期待，真令人急不及待，終於見到呢塊美國安格斯西冷牛，大大份成吋半厚，比我女兒手瓜仔還大，好勁呀！

一上枱第一感覺就是，我們會食得哂嗎😂?!足两個人食有多，如果一心打算食牛扒既朋友，呢個餐雖然唔多野食，但足夠你食😉。

上盛既質量，簡單既煮意，只加鹽同黑楜椒，已帶出牛既鮮味。我們點了5成熟，出來效果剛好，外層乾身帶點烤焦味，一切開內裡肉汁非常豐富，而且油脂分布均渾，食落啖啖肉充滿口感，既鮮嫩又好咬口!

另外再點了3款法國生蠔，由淡到濃味…
由左至右起

※White Pearl（白珍珠）,3款中較肥美的一款，啖啖肉好creamy, 比較有質感，淡淡既海水味，咸完後甜，回味無窮，亦是我至愛選。

※La Deesse Blanche （海洋女神），較咸
濃味啲，海水味較重。

※Ostra Regal ,3款中最重海水味，較脆口而蠔身質感也較薄。

後記:
一間餐廳由一個人主理哂所有崗位，並不容易的事，同一份對食物既態度，真是很令人感動。