The Pudding Nouveau

大坑食區越開越旺，呢頭乜都有得你食，泊車又方便。

今次想食啲特色啲既食物，選擇左呢間The Pudding Nouveau

細細既店面坐滿客人，滿夠氣氛。        

法式油浸鴨腿配窩夫班尼迪蛋

店員推介了呢款，睇下個餐牌，感覺好奇怪喔，又咸又甜，不過既然係推介，就點泥試下啦。

鴨腿外皮金黃色的，非常酥脆，一刀切落去，絲絲肉汁慢慢滲出，而且肉既質地好腍，同鬆散的，有別於一般雞肉，豬肉咁結實。

詢問店員下，原來鴨腿係先用自家制醃料，醃制一段時間再用熟油浸熟鴨腿的。

再配埋半熟班尼迪蛋同窩夫一齊食，味道咸甜得泥，出奇的很創新，非常搭配。

正！夠哂特別！力推！👍👍

珍寶龍蝦仔牛角酥配薯條黑松露醬

牛角酥好大份，切開2份食會方便點，龍蝦肉混合左蛋黃醬，而牛角酥底層舖滿沙律菜，咬落啖啖龍蝦肉和嫩菜，整體味覺食完健康又清新。

加上我至愛粗粗的波浪紋薯條，即叫即炸，熱辣辣，好好味。

點埋黑松露醬食好特別，口味革新，打破一般點茄汁既傳統，香口既黑松露醬反倒成了主角，令到薯條身價大大提升😆不少。

讚！讚！👍👍

呢排天氣咁熱當然最後要嘆番杯士多啤梨沙冰

啦，碎冰打到好滑，士多啤梨味好香好濃，酸酸甜甜，仲好大杯tim，有口感得泥又消暑解渴。

而家仲做緊

“半價精選5月”

預番日子去食，半價左仲抵食。