出去中環等朋友仔收工， 佢話帶我食好嘢，於是跟住佢行上石板街 行咗一陣 終於喺啲舖頭仔旁邊見到呢一間日本餐廳。
見到牆上寫咗呢一個 海膽杯係誠意推介， 上邊嘅海葡萄雖然冇乜味道但口感爽脆 又幾好咬口， 跟住就係有啲鮮帶子，三文魚子，吞拿魚肉同埋大量蟹肉。
係一杯非常 豐富嘅前菜
最好問佢攞個碗仔到出嚟呀食 ，會好啲 ，因為如果就咁喺個杯度食 就要一層層咁食冇得咁樣撈埋一齊食。
前菜嘅嘢 食完海膽杯當然食番個刺身做冷盤啦，
一人一件唔使爭😍 揀咗三款最鍾意食嘅刺身， 油甘魚牡丹蝦同帶子 都係我嘅飛佛， 又鮮又甜又新鮮， 而且夠曬肥美。
食完成個人開曬胃
三文魚他他沙律
酸酸甜甜嘅醬汁配合埋 青蘋果 非常醒胃，
三文魚 件件夠曬肥美， 撈埋啲沙律菜一齊食實在是一個很好的配搭
炸芝士花枝餅
香脆可口都幾惹味
要小心熱呀因為你食嘅時候裏面 啲芝士會湧曬出嚟㗎
鮑魚釀雞翼
真係一整隻鮑魚喺隻雞翼裏面㗎成隻雞翼失到脹卜卜 ，而且雞翼炸到好香脆，好味道
蟹子芝士焗蠔
惹味嘅芝士帶出蠔嘅鮮味再加埋粒粒嘅蟹子咬落去口感爽脆， 口感層次很特別。
最後 一人一件 食埋個鯛魚燒當做甜品就完結咗今晚美味嘅晚飯啦
沒有留言:
張貼留言