放咗工三五知己一齊落銅鑼灣行街順便食過晚飯，朋友仔之前去過呢間漁獲浜燒，所以建議encore， 識食當然跟埋佢一齊去食啦
這個沙律好特別呀， 啲蔬菜 係叫做日本水菜， 混埋啲醬汁一齊食清清地都幾唔錯
呢份燒牛脷細細份一人一件先唔會覺得咁溜，平時一人食一串真係食完都飽咗啦。
再配搭埋佢旁邊 放好嘅汁料，酸酸咪咪 夠曬惹味， 完全可以清新咗口中嘅油膩感。
點左一隻南中國深海藍龍蝦， 一蝦兩食 ，有一半攞嚟做sashimi， 另外一半轉頭攞去網燒。
呢個拼盤相當吸引， 睇見都唔捨得食呀全部都係我嘅最愛，
牡丹蝦， 北海道帆立貝 ，中拖羅， 海膽 三文魚， 油甘魚 ，全部都係我嘅最愛😍😍😍， 其實 sashimi 又新鮮又夠肥美， 食完真係相當滿足呀
食完刺身 就係食另一半嘅龍蝦啦， 睇住佢將鮮黃色嘅蝦糕舖喺龍蝦頭上面去燒 ，真係睇見都令人流曬口水。
燒嘅時候就散發著陣陣嘅蝦膏香味 叫人點樣抵擋
經佢哋處理咗一陣， 一個 超級美味嘅龍蝦頭就擺係我眼前啦 ，用支匙羹慢慢甘不落去，再將淡淡嘅蝦膏放落口， 真係唔捨得吞落去。
食完蝦就當然梗係要食蟹啦，蟹甲羅燒係將鵪鶉蛋再加埋落啲蟹膏同埋蟹肉放喺個蟹殼上面燒嘅， 當佢燒嘅同時散發著， 蟹嘅鮮味混合埋鵪鶉蛋嘅蛋香味， 確實滋味滿分
天婦羅軟殼蟹
其實我自己試過喺屋企咋過軟殼蟹真係點都炸唔到係餐廳炸出嚟嘅效果， 外層炸到脆卜卜但係完全唔影響裏面軟綿綿嘅肉質， 所以 係日本餐廳食飯好多時都會點過軟殼蟹食下個口癮
好正呀個海鮮拼盤，完全融化咗我嘅心啦， 全部都係我最鍾意食嘅海鮮呀 。
侍應唔該快啲燒啦，我好想快啲有得食呀 😂😂😂😂
每日新鮮運到嘅海鮮 ，鮮甜嘅味道令人 回味無窮， 大大隻嘅北海道帆立貝 ， 同埋仲識郁嘅鮑魚， 睇見都流曬口水。
最後 上埋條鹽燒馬友， 第一次咁樣食馬友炸， 原來咁樣燒泥食 都幾特別， 嗰陣皮燒焦咗脆卜卜， 裏面其實都幾幼滑， 而且充滿鹹香味，送酒真係一流
尾聲啦食埋個柚子雪葩，完滿結束今晚美味嘅一餐啦。
正!
沒有留言:
張貼留言