Ida 吞pot雞煲

同姐妹打邊爐，上到嚟發覺個景好正，好開楊，坐得好舒服，岩晒邊食邊飲住嚟吹水！小店一間，自家制用心制作，值得再試，下次試下個麻辣雞煲先！

湯底同食物種類都算多，掛住食後面仲有一頁唔記得影！
睇住咁開楊嘅景觀，食都食得開心啲！

嗌左個招牌魚湯鍋，湯底夠白，正！裡面有番茄、秀珍菇同好滑嘅豆腐，仲有夠薑，去左陣腥味！

廣島蠔，一食就知並非用大陸貨，煮完出嚟完全冇縮水，蠔味鮮甜！
頂級安格斯牛小排，估唔到咁大碟，足本，靚貨，有肉味，肥瘦適中，冇得輸！
手打黃金海膽墨魚丸，墨魚丸外層有墨汁包住，黑麻麻咁，食落裡面包住海膽，仲有粒粒墨魚喺度，有料嘅墨魚丸，心機之作！抵讚！

自制九菜餃，皮薄多料，咬落夠juice！

炸魚皮，本來係好普通，冇需要特別介紹，但竟然係即炸，上檯嘅時候仲熱架！