鰭文

朋友仔 生日 約埋一齊去元朗間鰭文 一齊慶祝渡過， 之前都有嚟食過一次 ，覺得佢哋嘅魚生款式好特別而且非常新鮮 值得encore再encore。

今晚我哋揀咗兩個套餐share ，師傅話可以將兩個餐mix咗 就返啲食物畀我哋去食， 咁我哋就可以乜都有得食d。

 呢間餐廳唯一一個 宗旨就係師傅發板， 佢哋乜你就食乜 ，你冇得話想食乜，但係你可以話你有乜嘢唔鍾意食話畀師父聽。

先呢個黑松露金箔蒸蛋， 黑松露加埋金箔成本蒸蛋當堂華麗曬， 黑松露嘅香味加埋 蛋本身嘅幼嫩口感， 實在是一道令人很回味的前菜

竹籤魚天婦羅 係用打咗嘅紫菜 加埋金薄嘅獻汁， 淋上面製作而成。

竹籤魚雖然炸過， 但仍然keep住 肉質嘅幼嫩， 十分美味

北海道毛蟹 加蟹膏

全部都係蟹肉同蟹膏， 啲蟹膏 香味濃郁口感誘惑 加埋 北海道毛蟹嘅肉質 新鮮嫩滑， 正到暈低呀

深海池魚， 經師傅用火輕炙過，帶一點香烤味道， 食耐啲啲甜味會更顯突出

網燒平正魚魚腩

爽脆口感

香濃嘅油份越食越濃郁，滲透著滿腔油滋味

俄羅斯魚子醬家太刀魚

因為本身與太刀魚味道比較淡，所以配搭魚子醬可以調返個鹹鮮味出嚟 提升 口感

終於到我期待咗好耐嘅 牡丹蝦 口岸赤 海膽杯啦，

一杯滿滿嘅口岸赤海膽 ，食落口啲甜味沖曬上嚟 ，而且 份量十足 一次過滿足曬你嘅慾望。

奶白色嘅魚湯係用之前食過嘅魚， 煲咗好多個鐘製作而成架，鮮甜無比。

真係想encore再嚟多碗

右口魚裙邊手捲

是比左口魚減肥美的一種魚， 用火燒完啲油份湧曬出嚟， 甘香無比

這個象拔蚌壽司 一上枱要即刻食 ，因為佢係會偷走的， 會動嘅壽司你食過未 ，超級新鮮。😂😂

食咗十幾款美味嘅壽司 食埋水果肚仔就真係滿載而歸喇。

今晚呢餐飯 正到真係返唔到轉頭😋😋😋yummy yummy