門口望入去樂天以為係一家屬於比較 價錢偏高嘅食府 ，因為見佢嘅裝修都好靚，而且地方好大好光潔 ，坐低望下個餐牌原來價錢係好平民化 ，仲
非常之抵食㖭 
平時 好少食酸薑皮蛋，只會食粥品嗰陣時先會點皮蛋瘦肉粥食下，不過今日見到佢咁賣相好似好吸引咁，皮蛋 好似啫喱咁 ，透明的好靚，而且蛋黃位置更加是糖心的 ， 口感 軟綿， 忍唔住仲要一食食咗兩件
泰式海蜇 ，雖然份量比較輕巧 ，不過佢 嘅體積頗大， 還是頭一次食到這麼大既 海蜇， 個汁酸酸辣辣咁 ，凍食 一流， 推介 。
剁椒 大魚頭， 真係名副其實嘅大魚頭好大件， 雖然上面鋪滿 辣椒， 但係都可以接受不會太辣， 以為咁大個魚頭應該會韌啦 ， 原來係唔會㗎 ，火候剛好魚頭 肉質很鮮嫩幼滑👍
咖哩雞 ，椰汁味比較偏重 ，雞同薯仔份量都好多， 而且咖哩味很濃 而不鹹 ，點呢個餸一定要點白飯食
金銀蛋莧菜 ，個湯浸住啲菜 ，食嘅時候濕濕地好入口 ，加埋上面金銀蛋同肉碎一齊食更加好味 ，更感層次感， 湯底係用上湯整嘅所以味道好鮮味 。
酥炸蝦棗 ，裏面係蝦同埋肉 剁碎 製成球，經過調味 ，炸完之後， 食嘅時候肉汁會流出來，而且出面炸到卜卜脆，再點埋酸梅醬食， 酸酸甜甜 好醒胃 
天麻燉雞腳排骨湯 ，這個湯可以去頭風的，如果你本身容易成日頭痛的話， 推介呀。
食材經過 烹調 後所有味道已經滲哂出個湯度， 又濃又香，而且 仲忍唔住食埋其他湯渣，煲到腍曬，好好味
沒有留言:
張貼留言