palpal: 漁獲浜燒 (銅鑼灣)

漁獲浜燒 (銅鑼灣)

呢排成日見到朋友打卡熱點，為食嘅我當然係要追住個潮流追住食啦～

餐廳名字叫漁獲浜燒，顧名思義即係話海邊新鮮捕獲到嘅海鮮即捕即燒♨🐟近門口有個魚缸，已經話俾你知係一間主打係食海鮮嘅餐廳

裝修唔需要好豪華，簡簡單單，好似返到屋企咁，令人好舒服架呢😊😊😊😊

特製黑松露炙燒平目魚邊沙律 HK$ 138

平目魚即是比目魚，平目魚邊經輕炙過，滲出陣陣香濃魚油香味，入口溶化沒有魚腥味 ,再配搭埋黑松露醬汁，同沙律一齊食，口感清新惹味。

海之幸玉子燒 HK$ 98

玉子燒裏面包住大量既明太子，先是食到玉子燒嘅甜味之後就會滲出名太子嘅鹹香，口感層次非常豐富。

香煎蒜片厚切牛舌 HK$ 98

一道非常香口惹味嘅厚燒牛舌，油脂非常豐厚，肉質細緻軟綿，醬料帶點輕酸，配搭埋一齊食便可減輕口中油膩感。

6款刺身盛合 HK$ 618

依家係池魚當造季節，非常新鮮完全沒有腥味，肉質煙韌，充滿嚼勁，原條上俾你過足口癮。
新鮮活赤貝我最愛佢爽脆口感，鮮甜無比。
厚切帆立貝果種啖啖肉嘅滋味，令人有一種幸福既感覺。
自從喺日本食魚市場第一次食拖羅嘅時候，嗰種感覺係永遠都抹不去啊，今日我又搵返嗰個感覺啦，肥美肉厚，入口溶化，嗰陣魚香味永遠令人試一次就一定會愛上😍😍😍
油甘魚同三文魚都非常新鮮，肥美 like

成個6款刺身盛合，都係我嘅最愛，令人回味回味又回味呀😋😋😋

味真蟹甲羅燒配多士 HK$ 390

味噌蟹甲羅燒係用松葉蟹膏蟹肉同埋生嘅鵪鶉蛋撈埋一齊喺網上燒，之後就搽喺多士上面食，咁食法雖然膽固醇會超標，但是當你望住個蟹蓋既時候就是一種不能抗拒的誘惑👅 理唔到咁多啦，食咗至講。

燒馬友 HK$ 198

平時食澳門菜，馬友多數是用來炒菜時做配菜，今次還是頭一次原條燒馬友咁樣食，肉質好滑好幼細，無比鮮嫩，而且冇乜骨，食完啲肉，淨番嘅骨，師傅仲會一魚兩食，攞去炸完俾返我地品嚐，今次真係食魚唔lur骨啦😛

德雙魚獲浜燒 HK$ 1380

餐廳所有海鮮每星期1-6日日都會新鮮運到
👍👍👍👍👍👍👍
等左咁耐食左咁多野仲要等到我哋期待已久嘅漁獲浜燒啦～

成盤海鮮嘅震撼程度簡直五粒星，點解海鮮都可以放到咁精緻咁動人㗎 👀
北海道帆立貝，白背，文蛤貝，粒貝，鮑魚，蠑螺，魷魚，泰國大虎蝦……
直情感覺到的海鮮向我地揮手，同我哋講食我啦食我啦😂😂😂😂
個個都忍唔住影多兩張相放上facebook放閃📷
食日本野有呢度好，樣樣有人服侍，唔洗自己落手落腳去燒。😆

白貝，文蛤貝，蠑螺，師傅都會繞上清酒一齊燒，令到貝肉更顯鮮味，食落口感爽脆，仔細品嚐，還會感受到陣陣海水鹹味。

好大隻北海道帆立貝呀，兩隻已經霸曬成個爐。
師傅會分兩種整法，一隻用清酒燒一隻就牛油燒，首先佢地會燒到半熟時打開左個蓋之後，就會攞去沖沖水，然後返嚟再加清酒和牛油上面燒，燒到剛剛好就會上碟，畀大家享用，火候恰到好處，絕不會過火，令到帆立貝肉質太乾身同變韌。
食既時候完全感受到帆立貝嘅鮮甜美味，絕不取巧 mad