Seafood stand 聽個名就預咗係嚟食下海鮮啦😋😋 一間主打用海鮮製作嘅快餐店， 方便快靚正價錢又平民化 ，值得推介
蝦兵蟹將burger顧名思義又有蝦又有蟹啦， 係估佢唔到竟然係一隻軟殼蟹咁上畀你， 有驚喜呀 。
軟殼蟹仲要炸到脆卜卜，酥香，甘脆， 一啲油益味都冇， 仲要有埋 刀叉手套跟埋畀你， 很貼心嘅服務。
白酒忌廉藍青口
煮完嘅白酒一啲都唔會好搶口， 仲有提鮮味添， 加上用忌廉製作而成個汁好creamy順滑， 同個藍青口簡直perfect match。
龍蝦香草扁意粉
隻龍蝦大大隻啖啖肉 而且 仲要keep到好彈牙，超正呀！
鹽燒扇貝
燒到個裙邊脆卜卜，嚼勁十足。
因為 扇貝肉 本身唔係味道唔係咁濃，鹽燒配搭 就可以令到佢惹味好多啦。
啤酒醬炸生蠔
雖則 係用啤酒醬炸， 但係一啲啤酒味都冇， 仲要炸到超脆， 不過食嗰陣時一定要好小心因為裏面係好熱㗎啲蠔汁咬落去嘅時候會踊曬出嚟，勁 juicy呀
食呢啲快餐真又炸又香口， 當然要飲汽水同埋啤酒呢啲有氣嘅飲品先夠爽啦。
沒有留言:
張貼留言