Mr.crab

朋友仔 發現咗灣仔開咗間新嘅mr crab分店 ，知道我好鍾意食蟹， 第一時間通知我約埋一齊去朝聖。

之前因為知道尖沙咀h8第一店，經常性大排長龍 ，嫌麻煩的我所以一直沒去試 ，趁依家仲係新開張未有咁多人知 ，今次可以舒舒服服同朋友一齊慢慢品嚐呢一個海鮮大餐呀。

門口入到去上咗樓梯轉上去就見到 一個個魚缸裏面放滿 大大隻， 每日由美國 訂貨新鮮空運到港的鄧金斯蟹， 目測每隻起碼過斤重😍😍😍

入到餐廳 座位旁邊是一行放滿不同品種生蠔 嘅冰櫃， 除咗食蟹生蠔也是我最愛吃嘅海鮮之一

果然係一間食蟹嘅專門店 每一張枱上面 也見到mt.crab個logo，經過長長嘅座位，店員安排咗我哋坐到最入面嘅四人枱

首先 餐前當然要食一食沙律開一開胃先

Veggie salad 

先將不同嘅蔬菜 炭燒後 再加埋落新鮮嘅沙律菜上， 混合橄欖油同醋，酸味，份外醒神醒胃

話明今日嚟食蟹當然要點seafood combo3啦， 有蝦有蟹有青口😍😍

等咗一陣大大個海鮮包上枱喇， 除咗期待就是更加期待

 

海鮮包一打開已經傳來陣陣嘅海鮮辣香味

嘩~這隻鄧金斯蟹， 真係非常大隻呀要用佢地餐廳兩個木盤 先可以放到整整一隻大蟹， 這隻蟹膏不多， 屬於肉蟹果種， 佢除左個蟹鉗 超多肉，個蟹身都係啖啖肉，鮮嫩無比， 絕對可以滿足哂我食蟹嘅慾望， 令人回味無窮， 我們點了中辣， 食落都唔係覺得太辣，下次可以點個大辣試下先

蝦同埋青口份量都有好多 ， 不消一陣整個兜都裝滿曬 殼了😂

再來是我們點的五款生蠔

Pacific Rock   -肉質鮮甜順滑，礦物味濃厚

Cumbrae    -口感細膩creamy

KYS   -蠔身質感結實爽甜， 海水味濃

Majestic   - 海水味濃烈，肉質甘甜

Gillardeau   - 味道濃郁獨特 

太好味啦， 當中我最鍾意食Majestic有種甜味令人回味，真係一人食得一隻都唔夠喉呀

Peach on the beach

(薄荷葉加青檸, 蜜桃同埋ginger ale)

酸酸甜甜 帶點薑味， 又散發著濃沃嘅果香味

食咗咁多海鮮 飽飽滯滯呢杯飲品絕對啱曬飲😊

食完最後仲可以喺 升盤 到洗埋手， 呢一個設備 實在太細心啦。