上網見好多朋友仔介紹 上環 呢間 餐廳，加上 前一排有見到電視 安德專尊同美妮嗰個節目都有介紹過， 趁朋友仔喺上環呢頭番工於是約埋佢一齊嚟食個tea。
喺門口會見到右手邊有好多香氛嘅產品 同埋一系列不同植物嘅花茶產品，唔怪得之一入門口就已經聞到一陣 令人心曠神怡嘅清新香味
今次嘅主題係 “皇家奇想曲”下午茶
老闆娘介紹 這個奇想曲嘅故事是
>>>>>
在飄雪樂園玩樂過後，遇見皇子置身於皇家庭園
初冬已至，陣陣涼風不禁令人拿起暖暖的熱飲細味一番；朦朧近色，杯中花樣令人回想起在飄雪樂園裏的快樂時光。舉頭遠望，發覺天色已暗，遠處閃爍着微微火光；細步行近，看見燈影漸明，耳邊響起絲絲歡笑。
那是一個皇家庭園，園裏已被白色和藍色的植物包圍着，裏邊有不同的守衛站崗，注視着你，期待和你分享他們的歡樂和奇想
<<<<<<<<<
聽住老闆娘一路講個心就一路喺度幻想個故事 情節簡直覺得自己就已經置身咗喺呢個皇家庭園裏面
下午茶定價係每位$298
首先我們 先喝喝玫瑰花茶， 淡淡嘅花香，能夠令人放鬆一下 身心疲憊嘅壓力， 再配上 餐廳嘅主人為每位客人精心挑選嘅餐具， 簡單嘅花茶也顯得 高貴優雅
喝了玫瑰香茶後
，小熊們就為你奉上每人一份 香滑軟綿嘅法國 鵝肝配上小餅乾，
在旁佐有芝士拼盤 ，3款既芝士 各有不同嘅口感 和莎樂美香腸薄片，為你補充體力。
主菜是英式肉醬肉丸薯蓉和鬆餅，口感味道豐富之餘，更讓你鼓足幹勁到庭園裏玩耍。
這款英式肉醬肉丸薯蓉 係老闆娘誠意嘅推介， 肉丸口感juicy 肉香撲鼻 ，令人食過返尋味，加上配搭上 芝士同埋薯蓉 香口又惹味
庭院裏佈置了各樣甜點，旁邊的是國旗馬卡龍，為你帶上絲絲甜意， 這款馬卡龍不會太甜連我這個不愛吃甜點 的人也 想再吃多一個
在小熊中心裏圍繞着奔跑的是皇冠黑松露芝士蛋糕， 西式嘅芝士蛋糕 甜點配搭上 平時多數用嚟做咸食嘅 黑松露嘅 香味， 令人又有另一種截然不同嘅感覺 。
和皇冠及小熊黑朱古力，
太漂亮啦，皇冠 和小熊朱古力 手工精細 彷如一個精品放喺眼前一樣，靚到dum一聲，完全唔捨得食呀 ……
和小熊們一起遊玩之後，他們會為你奉上玫瑰朱古力心太軟蛋糕， 淡淡嘅花香味在齒頰留香 ，希望朱古力的濃郁甜味，將小熊和你一起遊玩的時光加上記號……
最後食埋旁邊這個英式鬆餅 加埋 精心為你挑選嘅 呢款a p r i c o t果醬， 為今次呢一個茶點畫上 完美嘅句號。
聽說每過一個時間 所設計嘅下午茶都會有所不同，希望為每位客人帶來新鮮嘅驚喜， 期待下次再一嚐佢不同嘅下午茶。
沒有留言:
張貼留言