palpal

校長燒肉日韓料理 (元朗)

放題熱店

校長燒肉日韓料理 (元朗)

食飯時間又到啦，每日都排哂長龍等入座

一夠鐘入到去，d人搶呀搶 really

怕慢d都無得食呀，超誇張 shocked

其實餐廳會keep住補給食物，大家可以放心囉 mad

話哂係燒肉放題，肉類款式當然特別多啦，食到你唔食

等緊燒肉熟既時候，可以夾番幾款小食食下。

鍾意飲啤酒既朋友仔，平平地都有罐ice任你飲，另外都可加33蚊生啤任飲

唔飲啤酒，都有好多款飲品供你選擇

掛住影相，沙律吧已經比人清空左啦 mad

超搶手呀haha

夾左幾款心儀食品後，終於可坐底慢慢燒下，如果怕燶底可以加8蚊加張隔油紙。
我自己比較鍾情五花腩肉，半肥半瘦咁，太吸引啦，簡直係肥得有道理 tongue

雞亦同雞腎係事先醃左的，非常入味，燒完超惹味。
除左肉，都有小量海鮮燒下鮑魚同凡立貝都好新鮮彈牙。

牛仔骨，同豬頸肉都係必燒燒物，平時睇韓劇見d主角都愛一路燒烤一路飲下酒，呢两款又係送酒佳品，爽口，唔會太肥膩。

唔怕煩唔怕手軟，加78蚊仲有松葉蟹任食，超鮮甜呀。

想有d飯落肚，可以夾番幾件sushi補充番d澱粉質。 mad

陸陸雞煲火鍋 (旺角)

66雞煲6住食

陸陸雞煲火鍋 (旺角)

其實佢個門口真係唔係好覺眼係食雞煲, 同朋友去到門口都唔知已經到左。😲

入到去裏面裝修都幾輕鬆自在，而且味道都不會很大，牆上面畫咗好得意既插圖，彩色嘅座位很colorful很年青😍

陸陸雞煲（例） HK$ 148

由於想少量多吃，所以我地點左個例牌麻小辣雞煲，食法都係一樣啦，首先食曬啲雞之後再加湯以火鍋形式食其他配料。

雞煲等左陣就可以開始食啦, 啲雞件好滑好入味，原來麻小辣係一啲都唔辣架，仲有啲偏甜tim，不過就超級麻，個嘴一路食一路痺，今次仲左伏，個嘴麻到冇曬感覺添😨

66牛3拼

66牛三拼有牛柳粒，肥牛同牛展……

牛味好重，肉汁豐富，而且每款都脂肪分佈均勻，食落口啖啖油脂，香味四溢，就算6耐咗都唔會韌，牛3拼每樣有啲，一碟已經滿足曬你三個願望🌟

巨型北海道帆立貝 HK$ 138

叫佢巨型真係名不虛傳，成個手掌咁大舊，正到爆呀。

口感細緻軟綿，入口juicy ，鮮味無窮 like

幸福感爆瀉

百花+咸牛肉芝士釀油條(雙拼) HK$ 72

咸牛肉釀芝士建議滾20秘就可以食，咸牛肉溝埋芝士鹹香味十足，香口惹味。

百花釀油條即是墨魚滑，新鮮彈牙，配合埋油炸鬼一齊食索埋湯汁，更加juicy，建議滾30秒。

豬大腸 HK$ 40

豬大腸同雞煲一齊食味道真係好夾架，索曬d醬汁真係好一流，建議一開始就可以倒曬落去，炆得越耐越林越好味

雞子 HK$ 60

好耐冇食過雞子，呢到啲雞子超新鮮爽彈，由於太寶啦，依家真係唔係咁多朋友仔會食，難得今日有人一齊share，太開心啦

66手打墨魚丸+蝦丸(雙拼) HK$ 100

墨片同蝦丸雙拼，粒粒好大粒呀，基本上一次過一啖係食唔曬，好新鮮，打得好煙韌彈牙，而且會食到裏面粒粒蝦肉同墨魚肉，用料夠，份量足。

野生竹笙皇 HK$ 88

第一次食竹笙皇，成條油炸鬼咁大條，非常爽脆，呢個幾特別，值得推介比朋友。

魚片頭 HK$ 42

炸過既魚片頭，炸到金黃色的，攞嚟打邊爐特別香口，鮮魚味濃郁，口感Q彈。

66鮮菜籃 HK$ 72

食左咁多肉當然要食返個菜藍清清腸胃啦～

四季文昌 (旺角)

大愛黑松露龍蝦煲仔飯

四季文昌 (旺角)

收到風朋友剛幫襯完太子呢間主打椰子雞的四季文昌，全新開業，環境好靚食物又好味，於是放工即刻約埋同事走過嚟試下。

喺門口覺得冇乜特別，入到去就發覺佢哋用咗好多心機嚟裝修同擺設，，一上樓梯就會見到一幢幢嘅書架擺設，書卷味好重呀，裏面仲好大添另外仲有好多特式擺設。
除左食係嘅食物外，仲食埋佢哋嘅裝修。

事先會準備咗沙薑，中間嘅係海南島柑桔,很新鮮，混合埋啲豉油會食到一陣好fresh嘅金桔汁酸味。

magic soda HK$ 32

薄荷青檸梳打 HK$ 32

飲品好大杯呀成支水咁大杯，水吧師傅手勢非常好，一杯簡單嘅飲品都整到好好味，杯嘢好清，飲完涼浸浸，成個人都會覺得cool down咗舒服曬，而且非常大杯一杯已經可以飲到尾。

海南東風螺 HK$ 52

先呢個餐前小食，螺肉夠曬新鮮彈牙好咬口

黑松露龍蝦煲仔飯 - 4-6位 HK$ 238

黑松露龍蝦煲仔飯，淨係聽個名都覺得食得好奢侈呀，不過如果238蚊咁大煲4至6人份量真係一啲都唔貴，仲覺得好抵食㖭。

啲飯係用海南油飯油粘米整架，粒粒煙韌彈牙攞嚟做煲仔飯特別好味，勁多飯焦溝埋啲黑松露一齊好甘香。

龍蝦新鮮大隻同好肉地，啖啖肉，鮮味彈牙。

原味椰子雞鍋 HK$ 238

椰子湯底夠曬清甜，用佢嚟打邊爐當堂唔會覺得熱氣，雞係採用海南雞，體積比較小，肉質比較嫩滑，先滾完啲雞，食哂雞件後，飲咗轉椰子湯底，先再加湯滾其他野打邊爐，不過我覺得滾過雞後，有浸油喺面，啲湯比較肥，所以先隔咗由再飲會比較健康啲。

旁邊會有個沙漏用來計時用的 1轉7分鐘，啲湯加咗雞後等七分鐘就可以食啦，如果唔係就會變韌。

佐賀a5牛肉眼 HK$ 198

A5和牛攞嚟打邊爐真係正到暈，啲肉汁好似想喺口到爆曬出嚟咁，非常 juicy，而且肉質又香又嫩滑，一碟得六塊真係唔係好夠喉 lol

日本產地直送野菜籃 HK$ 49

日本直運嘅新鮮菜籃，淨係個名都覺得夠曬矜貴， 3個字形容“很新鮮”😌

K-Net Square (太子)

兩小時無限添飲

K-Net Square (太子)

太子呢排啲橫街窄巷開咗好多新嘅餐廳放工同同事想搵個地方happy hour於是揀咗呢一間k-net square，舖頭唔係好大 7,8張枱左右啦。一入門口見到有啲客人喺度訂緊飛鏢，有啲就喺度唱緊歌，其實呢一間餐係屬於半酒吧半餐廳形式，感覺都幾relax。

望下係個餐牌，對於我地一心諗住飲下酒，傾下偈，呢個168蚊一人餐，真係啱曬，有個鵝肝多士肝有個main course，另外仲有法國紅酒，蘋果有氣酒，冇酒精飲品，可無限添飲 🍷 傻的嗎?😛平時去酒吧閒閒地飲杯house red加埋一都要6，70蚊一杯，依家有埋晚餐不特止仲要而家仲要無限添飲，堅抵。

忌廉南瓜湯，南瓜蓉磨得都幾幼滑，口感幾creamy，唔錯😋

佢哋杯house red 果酸味比較重，味道都還可以

鵝肝多士，份鵝肝都好大件吓，煎得好香脆，跟埋兩件多士，夾埋一齊食就會冇咁嬲溜

安格斯肉眼扒（8oz）點了五成熟剛剛好，不會太韌，屬於薄身嘅一種牛扒，牛香味還可以，配埋燒汁更可口 yummy

米走雞 (太子)

大件辣辣雞

米走雞 (太子)

呢個雞煲夠哂好肉，件件大大舊，啖啖肉，之前食過佢地既芝士雞，今次試下麻辣雞，有小同大辣2款選擇，怕大辣太勁，於是點左小辣，不過後尾覺得食落覺得唔夠辣再加番左d辣汁先有感覺。
注意：雞煲嚟到米打開蓋住，要等佢滾一滾之後要點火燒燒佢，我就係心急想影相一嚟到就打開左佢個蓋，揮發左d酒精，所以點火時無乜火。 really

竹蔗茅根水（＄68）
超大樽，可酙到4大杯，淡淡地唔會太甜，貪佢夠清熱氣

食完雞煲加湯打邊爐，肥牛當然唔小得啦，牛頸脊，牛味較重，比較好嚼勁，脂肪比例夠哂均勻，點左份大既，足夠滿足哂我地2個牛魔王。

半份魚片頭有5件，炸到金黃色的，新鮮彈牙，超香口

新推出，黑松露蟹子魚麵，好香松露味，食落粒粒蟹子好咬口，麵質很彈牙。

隨碟再跟一份小量松露同蟹子，比你可以就咁食過過口癮。

palpal

2016年7月5日星期二

校長燒肉日韓料理 (元朗)

陸陸雞煲火鍋 (旺角)

陸陸雞煲（例） HK$ 148

66牛3拼

巨型北海道帆立貝 HK$ 138

百花+咸牛肉芝士釀油條(雙拼) HK$ 72

豬大腸 HK$ 40

雞子 HK$ 60

66手打墨魚丸+蝦丸(雙拼) HK$ 100

野生竹笙皇 HK$ 88

魚片頭 HK$ 42

66鮮菜籃 HK$ 72

四季文昌 (旺角)

magic soda HK$ 32

薄荷青檸梳打 HK$ 32

海南東風螺 HK$ 52

黑松露龍蝦煲仔飯 - 4-6位 HK$ 238

原味椰子雞鍋 HK$ 238

佐賀a5牛肉眼 HK$ 198

日本產地直送野菜籃 HK$ 49

K-Net Square (太子)

米走雞 (太子)

網誌存檔

2016年7月5日 星期二

校長燒肉日韓料理 (元朗)

陸陸雞煲火鍋 (旺角)

陸陸雞煲（例） HK$ 148

66牛3拼

巨型北海道帆立貝 HK$ 138

百花+咸牛肉芝士釀油條(雙拼) HK$ 72

豬大腸 HK$ 40

雞子 HK$ 60

66手打墨魚丸+蝦丸(雙拼) HK$ 100

野生竹笙皇 HK$ 88

魚片頭 HK$ 42

66鮮菜籃 HK$ 72

四季文昌 (旺角)

magic soda HK$ 32

薄荷青檸梳打 HK$ 32

海南東風螺 HK$ 52

黑松露龍蝦煲仔飯 - 4-6位 HK$ 238

原味椰子雞鍋 HK$ 238

佐賀a5牛肉眼 HK$ 198

日本產地直送野菜籃 HK$ 49

K-Net Square (太子)

米走雞 (太子)

2016年7月5日星期二