收早去左食 放題 ，我哋去到係第一枱，爽呀，包場，唔洗同人迫，早食早著數，果頭落完order 嗰頭食物就上枱喇， 快靚正
地方整整齊齊乾乾淨淨， 室內 大概有 7，8張檯左右啦
如果想食煙 室外仲有outdoor坐， 雖然今日三十幾度 ，不過坐喺出面又唔會覺得好熱仲好大風添
第一輪當然先點下刺身食啦， 成盤刺身攞到出嚟好似藝術品咁， 好靚好吸引 ，令人食指大動未食先興奮。
我哋點左牡丹蝦，甜蝦，三文魚，墨魚，油甘魚 ，鮑片，榮螺， 帶子… 數下數下 我哋都點咗好多款刺身
呢度d刺身都幾多款式，而且 非常新鮮， 絕不欺場。
魚類刺身三文魚油甘魚 厚切又肥美 ，油香四溢。
牡丹蝦 很大隻 和甜蝦都非常鮮甜 q彈。
榮螺夠哂爽口彈牙
鮑片同帶子， 也不令人失望， 很新鮮味美。
值得一提 係牡丹蝦同 榮螺 並唔係好多 地方嘅放題都會有得你食
。 如果鍾意食呢兩款 ，食得落的話 ，不妨點多兩轉食
雖然食放題不嬲主攻刺身， 咁都會點下少少燒物同炸物食下， 吉烈 炸蠔 食得出蠔很新鮮，而且不會炸完之後細細件， keep到還很肥美
呢碟鰻魚會唔會大塊咗少少呀
兩個人食真係有啲溜， 如果人多share一人食一兩塊 就更加好啦
推介香橙焗銀鱈魚 ，好香嘅橙味飄哂出嚟 ，還是頭一次食橙同銀雪魚嘅配搭 ，酸酸甜甜好醒胃， 幾有特色
其實呢度嘅放題仲有拉麵同定食 ，不過真係食唔到咁多啦，所以點左幾款壽司，
有啲澱粉質落下肚 ，飯 同材料嘅質素 絕不比市面迴轉壽司 遜色， 食放題有呢樣好 ，每樣可以食一兩件， 樣樣食下先過癮
天婦羅還真是即叫即炸，上枱還熱辣辣， 有點燙口
炸蝦大大隻 ，香口惹味
日本番薯 ，甜甜的 ，很滋味
燒冬菇，燒完都唔會乾，證明師傅功架都有番咁上下，唔錯唔錯。
串燒雞軟骨同 雞皮， 還真是我最愛必點燒物之一 ，卜卜脆，送酒一流
(提一提 ，這裏啤酒汽水任飲的。)
鹽燒牛舌同羊架，小小既鹽分就能帶出肉既鮮味，肉香 撲鼻，還帶點輕微既油脂，食落好juice
牛仔骨用日式醬汁加以燒烤而成，帶小小甜，很滋味。
怕慢d都無得食呀，超誇張
