薄荷葉

元朗體育館附近有間好企理下既泰菜館，門口好搶眼，行過都唔怕見佢唔到，最啱運動完去食下飲杯野，同朋友運動完剛好見到，走左入去食環境好輕鬆舒服，氣氛幾唔錯。

呢個天氣做完運動身水身汗，嘆住冷氣飲番杯青檸梳打真係爽爽爽！

好肚餓呀，見佢餐牌介紹隻蘇梅鴨幾吸引，點泥試試，隻鴨原隻上比你影下相，做下鴨model，影完先拎入廚房切件，味道酸酸味味用酸梅醬醃製，好開胃呀，成隻咁食好痛快呀~

泰國菜館一般都有紅黃青3款咖哩，我多數會點青咖哩，比較泰國特色d，味道最清，無咁油同無咁溜，可配雞牛豬肉或海鮮，記得食咖哩唔可以無薄餅架，一定要點埋先夠完美。

脆皮豬手都唔錯，外層脆卜卜，再加左小量芝麻，更加香口惹味，再淋左酸甜醬喺面，酸酸甜甜，食完都唔會覺得油膩飽濟。

Bel cibo seafood bar

喺尖沙咀行完加連威老道 去咗厚福街h8 上面搵左，間西餐廳食少少嘢。
平時真係唔多願意上h8 ，因為等佢架排隊真係排餐死， 今日真係好幸運時間尚早，一去到就可以入𨋢上到去啦。
基本上成棟都係𨋢門一開就會見到成間餐廳 ，雖然地方唔係好大，不過 簡簡單單 ，食下西餐咁，都幾有情調。
今日唔係太肚餓唯有點幾款嘢輕食一下。

特濃龍蝦湯， 味道香濃， 蝦味好重， 湯係以蝦做配料， 蝦肉大隻又彈牙 ，味道唔錯。

鵝肝多士配蘋果蓉， 精緻又美味， 食落就唔會覺得肥膩。

最欣賞佢呢個煙三文魚芝士pizza ，雖然唔係好多配料，但煙三文魚大大塊加上 重量級芝士 同薄脆餅底 ，香脆誘惑，味道超滋味。

Love cafe

呢間love cafe有兩層，一樓全層都係宴會廳，2樓有半層都係宴會廳，其中另外半層就係西餐廳，可供你平時作飲宴前試菜或晚飯dinner。

餐廳格調滿浪漫情懷， 旁邊紅酒櫃， 還有超多款紅酒供你選擇

睇見呢一幅牆嘅結婚相真係令人滿幸福的

有多款晚餐供你選擇 有沙律，餐湯，前菜，主菜甜品和餐飲。

沙律菜很新鮮嫩綠

南瓜湯 口感順滑

炸白菌 鵝肝醬都幾特別 ，外層炸到脆卜卜，白菌再配埋鵝肝醬，香濃味厚，互不搶味，各有各味美

法式薯蓉焗田螺 一小份，田螺夠哂肥美，配埋牛油香草焗薯蓉，份外滋味

意式黃瓜燒雞肉天使麵， 非常適合正在減肥的我，雞胸肉夠低卡， 黃瓜同草菇呢個配搭夠曬健康清新。

我個人比較欣賞，香烤鱈魚配酸酒紅椒汁， 鱈魚煎得非常香脆，皮脆肉滑， 上面再加咗酸豆同紅椒整嘅醬汁，惹味非常，亦是一道賣相精緻，健康美味既主菜之一。

最後食埋紅桑子蛋糕，完美結束今晚既晚飯        

包車達人

今期狂熱， 近期雜誌同電視都不停介紹oppa美食, 今日終於約到幾個朋友上嚟朝聖啦～

餐廳裝修令人感覺年青又熱情，而且大部分男侍應都係oppa泥架， 個個高大威猛，斯斯文文怕醜醜， 感覺就像真的去了韓國食晚飯喔🍴

🔥🔥🔥擺陣🔥🔥 🔥
點了三款食物，就放了3個gas爐，認真大陣仗😆😆， 如果依家係凍天 ，感覺一定very good😂😂

醬烤牛肉$２８０
醬汁係用甜豉油調配的，一路烤牛肉嘅時候，肉汁會慢慢流落旁邊位置，再配埋其他 配料 嘅味道 ，烤出來既牛肉同醬汁 非常鮮甜，到最後撈埋薯粉一齊食，索哂啲湯汁，正到爆呢喃～

超辣海鮮湯$200
湯底 裏面有一大堆海鮮同配菜 ，又鮮又香辣，淆到咁上下 ， 就可以開動喇
配料超多，渣多過湯😆😆，食佢都飽😆😆, 有肉有蝦有蟹又有青口又有蜆， 師傅出手毫不手軟😂😂👍👍

芝士排骨$390

oppa會教你用芝士捲埋d排骨先一齊食 ,到食曬排骨之後，就可以將飯團 同芝士醬撈曬喺中間位置連埋醬汁抄呀抄呀抄🔄抄完嘅飯香口又惹味😜

食埋呢道菜真係超級飽，下次再嚟真係要再嗌多幾個再幾個朋友先可以食多幾款嘢， 食物全部一大盤 ，令人興奮又畏懼。

大滿屋

放題狂熱

終於 有機會試到 大滿屋呢 間長期爆滿嘅放題餐廳， 行過尖沙咀分店見到條龍都唔想排 ， 難得星期日觀塘中午時段冇咁多人， 拿拿林上去放題一下😆😝

地方光猛企理， 餐廳都好大下有好多張枱， 我諗平時爆起上嚟一定非常熱鬧

一開波就點咗一份大嘅刺身盤 一到出嚟好似藝術品擺擺得好靚， 都有好多 刺身款式 每樣點兩三片已經一大盤了。
三文魚，希靈魚，油甘魚一系列魚類刺身，肉質結實， 鮮甜， 肥美 ，最愛 滿腔魚油感覺 😜👍
牡丹蝦都好大隻q彈😍😍
鮮八爪魚同蠑螺都夠哂彈牙😀
唔錯唔錯~

估唔到日式放題會有泰式生蝦 食 ，細細份咁過下口癮都唔錯， 隻蝦都幾大隻同新鮮。👍 而且泰式醬汁調到味道 酸辣剛好 ，一點都不輸蝕 泰國 菜館出品

壽司 雖然食完好快已經會好飽食唔到其他嘢， 但始終都會點泥食😆 好似有啲飯落肚感覺會好啲😂
通常會點火炙系列， 輕炙完特別香口好味， 見佢細細件一啖一口感覺都唔錯。

芝士波榴槤波同芝麻炸雞翼 三樣炸完都非常香口

其中我最欣賞榴槤波，因為唔係 間間有得你食， 咬落去裏面仲係好似流心咁，充滿榴槤香，香味撲鼻， 十分滋味。
我們還encore完再encore，推介喔~

燒三文魚鮫 ，啱曬最愛鄰骨嘅我 ，燒到脆卜卜， 差啲連骨我都想食埋😂😂

不得不推介一下厚燒有機波羅🍍， 平時就咁食嘅甜味，同燒完出嚟嘅甜係完全兩回事，通常燒過嘅菠蘿，糖分揮發咗出嚟特別甜美😋

海鮮嘅嘢冇話嫌多 ，生食，熟食，日式，泰式樣樣都有點齊😂
咁先至夠perfect架麻😂😂， 新鮮就點整都一樣咁好食😋😋正

呢個吞拿魚夾餅設計都幾特別，上面係吞拿魚蓉再加三文魚籽， 底層係兩塊梳打餅夾住飯粒， 成個食落去， 鬆脆特別 ，三文魚蓉 同魚籽混埋一齊食帶點鹹香味， 口感零舍perfect match😍😍😍😍

食到呢一刻真係已經好飽了, 好彩甜品細細件 夠精緻， 點咗幾款 還可以勉強食到，😂😂😂 食得唔好嘥 食埋 甜品 先夠完美㗎嘛😂😂

The Grill Room (銅鑼灣)

得閒西一西

The Grill Room (銅鑼灣)

0

0

銅鑼灣有好多上樓食店， 同朋友shopping完想搵個地方坐得舒服啲 ，於是喺openrice揀咗the grill room試一試, 上到去見到個環境都好舒服 ,暗暗嘅燈光配搭食西餐感覺 特別協調。

0

我哋兩個人一人各點咗一個晚餐

0

店員解說話今日有個promo點咗個餐即刻每位可以奉送一人各一杯 TGR sangria cocktail， 用(red wine /brandy /triple sec/ oj /fruit)溝出來的， 味道是酸酸甜甜的帶點果香， 紅酒味較重， 我諗酒精成分都比較高，飲完一杯後 感覺都有點wing wing地。
如果呢杯唔啱人都唔緊要係個set可以以買一送一嘅價錢另外再點其他飲品

0

0

精選美國安格斯$388 （set）
我們點了五成熟， 都係剛剛好， 再熟啲可能會韌， 安格斯牛 好肥美，帶點筋，很好嚼勁， 肉汁juicy， 牛香味重 味道就咁食已經很濃郁，可以不用再點汁醬。

0

薯蓉 無得很幼細 很滑很creamy， 上面再加咗 少量 雜菇 ， 非常惹味

0

三文魚他他 配香草乳酪汁
煙三文魚嘅鹹香混埋沙律嘅清甜一齊食， 味道協調互不搶味

0

巴拿馬火腿溫泉蛋配黑松 蘆筍沙律
蘆筍爽口 鮮甜沒有渣, 巴拿馬火腿同溫泉蛋一啖食曬佢 香口又juicy，而且帶著濃濃 黑松露香味，正。

0

0

慢煮三文魚配香草乳酪汁$258（set）
慢煮三文魚5成熟， 慢煮完既三文魚非常嫩滑， 保留住 三文魚嘅魚油 同肉汁 ，很 juicy ,厚厚的 有兩件 ,睇落好似細細件咁,食曬成碟舖 感覺還有點漏。

0

不愛好甜品嘅我 還整碟食曬 佢份 choc nud truffel & macaron mess 朱古力布朗尼配法式馬卡龍，甜品夠精緻，而且 唔會太甜， 甜品上得比較慢建議預返十分鐘點餐。

銅鑼灣有好多上樓食店， 同朋友shopping完想搵個地方坐得舒服啲 ，於是喺openrice揀咗the grill room試一試, 上到去見到個環境都好舒服 ,暗暗嘅燈光配搭食西餐感覺 特別協調。我哋兩個人一人各點咗一個晚餐店員解說話今日有個promo點咗個餐即刻每位可以奉送一人各一杯 TGR sangria cocktail， 用(red wine /brandy /triple sec/ oj /fruit)溝出來的， 味道是酸酸甜甜的帶點果香， 紅酒味較重， 我諗酒精成分都比較高，飲完一杯後 感覺都有點wing wing地。 如果呢杯唔啱人都唔緊要係個set可以以買一送一嘅價錢...

更多