大滿屋

放題狂熱

終於 有機會試到 大滿屋呢 間長期爆滿嘅放題餐廳， 行過尖沙咀分店見到條龍都唔想排 ， 難得星期日觀塘中午時段冇咁多人， 拿拿林上去放題一下😆😝

地方光猛企理， 餐廳都好大下有好多張枱， 我諗平時爆起上嚟一定非常熱鬧

一開波就點咗一份大嘅刺身盤 一到出嚟好似藝術品擺擺得好靚， 都有好多 刺身款式 每樣點兩三片已經一大盤了。
三文魚，希靈魚，油甘魚一系列魚類刺身，肉質結實， 鮮甜， 肥美 ，最愛 滿腔魚油感覺 😜👍
牡丹蝦都好大隻q彈😍😍
鮮八爪魚同蠑螺都夠哂彈牙😀
唔錯唔錯~

估唔到日式放題會有泰式生蝦 食 ，細細份咁過下口癮都唔錯， 隻蝦都幾大隻同新鮮。👍 而且泰式醬汁調到味道 酸辣剛好 ，一點都不輸蝕 泰國 菜館出品

壽司 雖然食完好快已經會好飽食唔到其他嘢， 但始終都會點泥食😆 好似有啲飯落肚感覺會好啲😂
通常會點火炙系列， 輕炙完特別香口好味， 見佢細細件一啖一口感覺都唔錯。

芝士波榴槤波同芝麻炸雞翼 三樣炸完都非常香口

其中我最欣賞榴槤波，因為唔係 間間有得你食， 咬落去裏面仲係好似流心咁，充滿榴槤香，香味撲鼻， 十分滋味。
我們還encore完再encore，推介喔~

燒三文魚鮫 ，啱曬最愛鄰骨嘅我 ，燒到脆卜卜， 差啲連骨我都想食埋😂😂

不得不推介一下厚燒有機波羅🍍， 平時就咁食嘅甜味，同燒完出嚟嘅甜係完全兩回事，通常燒過嘅菠蘿，糖分揮發咗出嚟特別甜美😋

海鮮嘅嘢冇話嫌多 ，生食，熟食，日式，泰式樣樣都有點齊😂
咁先至夠perfect架麻😂😂， 新鮮就點整都一樣咁好食😋😋正

呢個吞拿魚夾餅設計都幾特別，上面係吞拿魚蓉再加三文魚籽， 底層係兩塊梳打餅夾住飯粒， 成個食落去， 鬆脆特別 ，三文魚蓉 同魚籽混埋一齊食帶點鹹香味， 口感零舍perfect match😍😍😍😍

食到呢一刻真係已經好飽了, 好彩甜品細細件 夠精緻， 點咗幾款 還可以勉強食到，😂😂😂 食得唔好嘥 食埋 甜品 先夠完美㗎嘛😂😂

韓舍 (旺角)

韓舍多花款

韓舍 (旺角)

自從佔中佔旺遊行示威後都好少出旺角食野了， 不嬲都知旺角多野食， 突然好想食放題 又唔知食邊間好 。
事源我自己 就住喺元朗既， 元朗韓舍去過一次 ，印像都好好， 於是決定 繼續支持韓舍， 去左創興9樓間韓舍食晚飯。
一上到去 見到佢地 食物既款式多到 直頭呆左， 甜品都有幾十款 有得玩又有得食，沙律刺身壽司 凍食熟食 乜都有…… 相信以我個人既食量， 就算每樣試一件，今晚應該一次過食唔曬啦

0

甜品已經好吸引， 連放甜品嘅 食具 都靚到爆， 真係絕對可以激發起每位食客強勁既食慾呀， 總之就係你食得到我就比你食曬

0

1

睇得出 店主 放左好多心機係間鋪度 ，除左食物精緻，所有擺設都好靚。
雖然我唔係每款甜品都會啱食， 不過企喺度望到啲甜品都覺得 應該會好好食架。

0

試左佢個葡撻 細細件，新鮮剛出爐架。
食落口仲熱辣辣， 牛油酥皮好鬆化好香滑呀～

0

再試左件綠茶草餅 ，口感軟綿綿的 ，綠茶味超級濃， 豆沙蓉好幼滑

1

hello kitty迷 經間可以自己D IY hello kitty pancake， 好吸引 好得意呀

0

之前 係街見過人地炒雪糕覺得好得意 估唔到呢度都有供應 炒雪糕 ，倒左啲炒雪糕漿落部機到 ，等一陣就可以放啲朱古力碎棉花粒脆卜卜喺上面抄， 有得玩又有得食 好過癮。

另外我見到佢外面仲有爆谷機， 棉花糖機， 成個食物遊樂場咁，如果帶小朋友泥我相信佢地會好開心， 發揮 佢地無窮無盡既創意，小朋友直頭可以喺到自己做我係小廚神呀。
相信呢到 應該唔知淨係得小朋友開心便，連我哋女士們見到d甜品 都已經不能抗拒啦。

0

沙律吧同沙律醬，下面放滿冰 ，保持最凍冰冰狀態，口感非常新鮮，很細心喔～

0

有幾款前菜 ，試左佢個 kimchi 味道偏甜 ，一反平時食開果d ，辣到要飲水既情況。

0

烤肉反而款式不及甜品多， 不過都足夠我食了 ，其實我自己就食泥食去個幾款 ，辣雞翼 ，雞腎，魷魚， 雞扒……

雞翼 有兩款 ，橙色的是辛辣味， 燒完還很嫩滑很juice,食落口辣辣的很回味。
雞腎比較濃味，偏咸， 送酒一流。
魷魚燒完後非常甘香 脆口， 令人食指大動。

烤肉 已經經過醃製 非常入味， 所以烤既時候亦 不需在另外調味 和再點醬汁了。

0

冷盤還有青口 蝦 和蟹
蝦和蟹雖然唔係好大隻， 但肉質都很彈牙鮮甜。
蟹蓋還痴滿很多羔呢～

0

還有刺身和壽司食 ，可惜今日肚仔有點唔舒服，還是頭一次去食放題無食刺身壽司喔～

後記:
每位晚市，都係178再加一 沒有最平只有更平，非常抵食
實在太多款式了，每樣食一兩件已經好飽， 為求不浪費食物 我都唔會夾得太多， 食到先夾。 今晚唔係太肚餓， 所以都唔係食左好多野， 不過我相信我好快又會約朋友仔再理 食食食啦。