行完行搵個地方食嘢，原本諗住是但食啲嘢，但上到嚟實在有驚喜！
一上到嚟最吸引我嘅就係呢個酒櫃，可惜今日得我一個人，下次一定要約埋班姐妹嚟呢度，外面仲有個outdoor位置添！
outdoor 環境好舒服，係鬧市中一點寧靜優美，給我忙裡偷閒嘅感覺！
紅菜頭醃三文魚沙律～醬汁清新，酸度剛好，中和三文魚嘅肥膩，讚！健康好味，女士首選！
香蒜虎蝦欖油扁意粉～一上檯已經好香蒜味，食左兩啖先記得影相，大蝦新鮮，炒意粉都唔會好肥，唔似一般餐廳咁碟底會有好多油，咪睇佢好似細細碟咁，其實份量都唔細，我食唔晒，要留肚食埋甜品。
檸檬芝士蛋糕～口感新鮮而細膩，綿密細緻，大件返小小就好喇，太為食了！
沒有留言:
張貼留言