番本日本放題

又係放工同朋友食放題，狂食發洩下嘅時候喇， 專登揀咗一間酒水任飲，而且款式較多嘅放題，清酒梅酒啤酒任飲夠曬爽， 決定今晚飲到佢回哂本😂

牛油燒雜菇，淨係聞到陣牛油味已經流曬口水喇。

牛柳粒 好腍好入味，都唔錯

燒魚頭 好彩唔係好大個，兩個人食剛好，如果唔係就會好溜

清酒煮蜆都幾鮮甜，唔會有沙， 就是比較細一點

食放題無理由唔食刺身嘅， 刺身配清酒一流， 款式都係我最鍾意食嗰幾款，而且件件新鮮厚切 ，出單夠快， 忍唔住點咗幾轉食

炸墨魚咀，香口惹味送酒一流

焗生蠔同埋焗扇貝口感juice，值得一食

點咗咁多清酒，當然要點返一啲餸酒嘅食物啦 ，燒大蝦同埋牛舌， 也是必點吧

       

 呢度除咗款式多出單快服務也很細心，我今日帶咗囡囡一齊去食放題，還有一個公仔禮物收， 真係大人有開心細路又開心

urban burger

行過urban united burger 先發覺原來 轉咗餐廳 ，新開咗呢一間食漢堡包的， 有點英式風格， 多人時舖頭外邊也可以坐高椅進餐 ,黃色做主打 整間餐廳 非常搶眼明亮， 到了晚上 在巷仔中望上去， 特別別樹一格。

 

餐廳裏面座位不是很多， 沒有置身大城市中的壓迫感覺， 牆上畫滿塗鴉 ，感覺很輕鬆casual。

 點咗個 烤菇牛堡 ，好大個呀，基本上一個女士未必食得曬，最好兩個人share，如果唔係食完佢都好溜，飽曬， 就唔可以食到其他嘢喇。

加28蚊仲可以跟餐 有一杯汽水同埋薯條添。

超大烤菇菇味濃郁，一整個的, 成個burger都好juicy香味可口。

水牛雞翼 ，有一點微辣，詢問下原來一般傳統水牛雞翼太辣了，為配合港人口味所以將辣味輕微調低。

其實呢度每日夜晚22:00-00:00都有酒類cocktail優惠， 除了cocktail還有 其他手工啤酒同幾款snack, 我個人比較有興趣就係小食大拼盤,乜都有呀麻,同朋友傾下計飲下野，這裏也是不錯的選擇。

逸之燒

同老公 點咗個淺草便當，同涉谷便當， 好豐富喎， 每一個都係88蚊， 刺身厚切大大件 ，真係平靚正呀。

見佢呢個 天然素材無添加 梅酒， 做緊promotion 48蚊都幾吸引，試咗都唔錯梅味好重，唔搶喉， 值得一試

雖然個便當都已經有夠飽，但見時間尚早，於是再點左幾款串燒送下酒食下傾下計。

 呢度啲串燒都唔錯喎，我buy佢燒得夠乾身，香口惹味，而且脆卜卜

安格斯牛肉大蔥串同雞軟骨串， 上面淋咗燒汁 ，濕濕的，很juice

燒牛舌， 厚燒夠質感

荔枝豚肉串，外層豚肉燒到脆卜卜，荔枝口感軟綿，略帶果甜，雙重口感

最後點返個柚子雪葩，清清味覺，酸中夠清甜，醒胃醒神。

大一海鮮火煱

火鍋火鍋我最愛 吃火鍋， 天氣入秋更加係 食火鍋 好季節 ， 尤其是一大班朋友一路拾下拾下傾下偈食下野最開心 

今日同朋友上咗嚟尖沙咀酒吧街呢間新開嘅第一火鍋晚飯，上到泥還境乾淨企理明亮，感覺很良好

正在研究食乜嘢嘅時候，發現有個生蠔套餐，一打生蠔加一支白酒198蚊，點可以唔掂你試下， 店員介紹呢一款叫做白珍珠生蠔，size比較細帶少少甜嘅一種生蠔。

白酒果味比較重， 屬於以入口嘅一種， 白酒配生蠔呢個配搭是最完美的。

 點咗個蕃茄海鮮湯底裏面有大蝦同埋長腳蟹，鮮甜十足， 夠曬清

芝士炸響鈴 都幾特別， 搵勻曬成個響鈴都搵唔到一舊芝士，可能係整嘅過程裏面已經溝咗芝士，香濃嘅芝士味， 啱曬我芝士控

黑松露 手打 墨魚丸，好矜貴呀 ，新鮮彈牙，最愛食黑松露嘅香味 ，正正

大魚下巴， 很特別我還是第一次只食下巴位置， 肉質很嫩滑，沒有細骨， 起上嚟都幾方便

花竹蝦刺身鮮甜q彈，有驚喜，必吃喔

手切肥牛打邊爐是必吃食物之一， 睇見佢片片 夾雜著 紅白色脂肪 ，很是吸引， 牛香味極濃，而且肉質鮮嫩，一點都不會韌

 太子墨魚釀油炸鬼， 陸嘅時候要反轉佢， 一分鐘左右便可以吃了，油炸鬼脆卜卜，墨魚彈牙，蟹籽粒粒爽口，口感層次分明口

自家製皇后粉， 原來背後有一個故事㗎。

聽說這裏嘅老闆稱呼佢嘅太太叫做皇后，而皇后曾經有一日喺某個地方食咗一種粉佢覺得好特別，口感好好，咁佢講返出嚟畀個廚師廳廚師，就憑佢嘅印象製造咗呢種粉啦，所以叫做皇后粉。

錄嘅時候放耐啲佢就會變透明就會偏腍， 如果唔想食咁腍就可以早點夾上嚟食，咁口感就會比較煙韌啲，粉嘅質感好似蝦餃皮嘅口感，很特別。

壹火煱

兆萬中心上面真係有好多嘢食呀 ……

今次幾個朋友仔放工 去試下一火鍋嘅 海鮮 蒸汽鍋 ， 呢個蒸氣鍋有三層，頭嗰兩層都係蒸海鮮， 當上面兩層蒸嘅海鮮執流到最底層嚟嘅時候 ， 湯底就會充滿咗濃濃嘅海鮮味，非常鮮甜 ，而 呢個時候 最低嗰層就係用最底攞嚟打邊爐  第一層 吸引程度簡直爆燈， 鮑魚龍蝦大扇貝 ……淨係睇已經令到我哋幾個流曬口水了， 蒸嘅時候剛好 大約十分鐘左右 ，就可以開動啦，海鮮非常新鮮，好鮮甜 彈牙

第二層係粉絲，大蜆，青口 同海蝦， 呢個海鮮大餐真係過足曬口癮，基本平時去食海鮮會 點嘅食物都有齊曬 ，時間剛好， 完全保留哂海鮮嘅鮮甜味

 

食完海鮮最底嗰層就可以用嚟打邊爐啦，其實食咗個兩層海鮮經已開始飽飽哋 ，所以唯有主打點返啲 菇，素，丸，餃食下， 任食餐紙上還有很多款式 共你點餐，足夠你食完飽到出唔到門口。

除咗第一二層海鮮只出一轉外，其實任食點餐紙上面還有些海鮮可以任點任食，青口扇貝魚也有

超薄切肥牛輕輕一汋便可以食了，快靚正，而且紅紅的很新鮮

其實已經好飽好飽不過都要點下刺身食下，任食刺身有很多款而且夠曬新鮮， 今晚餐飯 只係二百幾蚊 真係食到玩曬本😂

Playa de papagayo - 天文台道

同朋友仔喺隔離加連威老道行完街，又攰又口渴，見呢排天文台道開咗好多新餐廳於是過嚟試下 

  

呢一間係間西班牙餐廳，見到佢有好大個酒櫃， 真係啱曬我啦。我最鍾意同朋友我摸下酒杯底傾下心事，而且呢度樓底有高地方又大坐得又舒服

今日係平日嘅下晝餐廳冇乜人 ，真係好彩呀，畀咗張梳化為我哋兩個， 呢個位別樹一格，坐埋一邊，而且牆上面嘅畫更加令人心曠神怡輕鬆寫意。

la Paloma

係一杯用西柚+ 冧酒溝性嘅cocktail 酸酸地好醒神 好fresh 果香味重

porn star martini

係用 熱情果 加馬天尼製成嘅cocktail， 跟住還會係熱情果 點上火焰 ，視覺效果一流， 喺一杯酒味偏重嘅果酒

Turffle & chicken

用蛋制成出嚟嘅蛋皮，包雞肉製成嘅餡料炸到脆卜卜， 好似 雞肉蛋捲咁幾得意， 有別於一般越南春捲或者港式春捲嗰啲嘅口感。 

Baked egg cake

係用洋蔥薯仔 製成嘅 蛋餅 ，煎得剛好既滑蛋feel， 我就特別喜愛 佢旁邊嘅沙律醬， 味道好特別， 同個蛋餅味道很搭配。

Tasmanian king Carb

好靚呀，好似一個藝術品咁😊

長腳蟹起埋肉，細心又方便食，上面加咗啲泡沫 同埋有蟹仔， 食落口感鮮甜👍感覺清新。

Razor clam pasta

蟶子pasta 好特別呀，一見到個餐牌 就覺得一定要點嚟試下 ，上到枱先見到原來仲要係大蟶子 添，大大隻啖啖肉， 原來蟶子唔一定要蒜蓉蒸同豉椒炒 ，西式用來整pasta都可以好好味㗎 😍😍麵嘅質感 有啲似打邊爐嘅魚 麵， 麵質比較厚身同煙韌。

Mango raspberry sor

原來好大碗， 上面係raspberry  雪葩， 又凍又酸非常醒神，食完成個醒曬， 底層就好似 木糠布甸 口感 而且都好多芒果肉 收埋咗喺裏面，正

honey tuile gelato

呢一個甜品望落去就已經有一種好啱小朋友食嘅感覺 好彩色夢幻，又甜又好味，而且口感層次分明，有d咬口