tuen wan chef stage kitchen

同阿女去咗愉景新城行街街，吃喝玩樂， 玩咗一個晏晝 ，大家都肚餓搵野， 突然俾我發現我喺元朗食過 嗰間chef stage kitchen 原來愉景新城呢度都有開左分店， 上次食過一次印象好好，嘢食質素好好， 服務質素都很好。

於是拿拿臨入去攞張枱食返個晚飯先

呢份餐前麵包好鬆軟配埋佢哋自家製嘅沙律醬 特別醒胃

同老公一人點咗一份晚餐先有個 非常健康嘅 沙律， 係用西柚同埋雜菜配上橄欖油酸醋醃製成嘅

佢哋今日嘅餐湯係西蘭花忌廉湯，如果唔鍾意食西蘭花 套餐可以加18蚊升級做黑松 忌廉 露蘑菇湯

 如果鍾意食鵝肝 ，另外加多38蚊可以 加多份 鵝肝食， 外層煎到脆卜卜非常金香嘢未， 去搭埋多士一齊食可減小口中既油膩感

五成熟嘅8oz 肉眼扒 份量啱啱好 切開佢裏面鮮嫩嘅肉質， 散發著牛肉嘅香味。

另外點左 一份黑毛豬鞍， 口感亦相當夠嚼勁，肉質彈性十足

 

跟餐可以以半價價錢點一杯特飲 ， strawberry puree+  orange + sprite 

， 味道有點像 fruit punch 。

另一杯特飲系接骨木花汁+菠蘿+蘇打製成的， 酸酸甜甜口感清新也很不錯

食飽飽之後最後點多個terimisu食 ， 淡淡嘅咖啡香加埋軟淋淋嘅口感， 很是吸引，share食啱啱好唔會太漏太飽。

靚煲皇

如果唔係朋友仔帶我呢都估唔到喺奧海城對住呢個角落有間咁正嘅打邊爐， 真係好耐冇食過咁好味嘅邊爐小菜啦

今日係平日同埋可能都夜啦，我泥到都十一點幾啦，過咗晚市時間冇乜人， 我哋幾個人可以痛痛快快咁慢慢食啦， 好多時晚市時間食飯係會比較辛苦啲，人很多，所以我哋比較鍾意選擇喺九點後放工時間先嚟食就最爽。

靚煲王就啱曬我哋啦，仲要係收半夜四點， 下次同朋友喺附近飲完嘢就唔怕搵唔到好嘢食醫肚啦😂

老闆話平時仲要有波睇添呀，正正!

點咗佢哋個招牌 靚煲皇 ，冬瓜 花膠海參雞鍋， 淨係聽個名已經覺得好吸引呀，好期待食佢啲花膠同埋飲曬佢個湯呀!

店員會溫馨提示你啲鮮雞千祈唔好滾咁耐呀，耐咗啲雞肉就會冇咁鮮嫩， 滾起咗後 個火千祈唔好開咁大

新鮮海蝦一人兩隻😋，彈牙又好味

極上肥牛， 均勻嘅雪花怖滿整塊牛肉身上， 重要係滾耐左都唔韌， 不過當然係控制下個時間剛剛熟果刻係最好食啦。

鮮嫩夠肉汁，牛香味重

老闆推介佢哋自家製作嘅手打墨魚滑， 又的確係很好味，超彈牙， 墨魚味道十足

新鮮肥鵝腸， 好邪惡呀! 減緊肥嘅我都控制唔到一定要食😂

脆炸響鈴又係誠意推介， 食多兩個都唔會覺得好溜，又香又脆。

大扇貝，夠哂新鮮大件，正呀！

今晚真係食得好開心呀,老闆同員工都好好人,服務好好^^

mk心夜來潮

韓風吹襲，之前成日都見人食韓式醬油蟹已經非常吸引，好想食好耐啦， 邊個話食潮州菜就淨係得打冷食㗎。

其實 潮式菜都會有醬醃海鮮食。

 首先點咗個醬醃三點蟹 ，鹹鹹的鮮味十足， 這個蟹sashimi認真特別， 鮮味嘅蟹肉同埋蟹膏 經過醃製 帶點鹹味，送酒一流。

另外在點左一份醬醃瀨尿蝦， 每一隻都幫你剝曬売就咁已經可以食到佢嘅肉， 多細心， 去日本餐廳食蝦刺身就食得多瀨尿蝦刺身咁樣食又是另一番風味。

呢度嘅每一份帳熱食物都會跟一碗白粥， 如果唔飲酒嘅，食起上嚟嘅時候又真係好需要一碗白粥的。 

食完漿醃海鮮實在忍不住要點番支大青島飲下先夠滋味😂

Manhattan

去觀塘等埋朋友仔放工，佢今日星期六返半日， 我哋仲可以一齊食個晏行一陣街先返屋企

之前泥過呢一度食晚飯印像很好，所以 見到佢逢星期六日同埋假期 lunch time時間 11-3都推出左semi-buffet ， 價錢相當優惠吸引，仲要4個可以free一個， 我哋早一個星期已經book定枱喇。

門口入到嚟會見到一個長長嘅吧檯， 酒櫃 上面 整整齊齊的 放滿一排排 不同酒樽， 乾淨企理

 

旁邊 就有甜品沙律同埋小食嘅buffet枱

佢哋嘅套餐都幾抵食，而且款式 選擇都有很多

加78蚊 升級咗 個主菜點樣分澳洲羊架， 炭燒嘅香烤味道 已經令人流曬口水， 我哋點咗份5成熟嘅， 剛好夠曬嫩滑 ，帶一點點羊羶味，口感不錯。

芝士海鮮闊條麵

裏面配料夠哂足，有蝦， 魚，魷魚

麵嘅煙韌度剛好， 再配以香濃嘅芝士忌廉醬料， 非常creamy順滑

再來就係我喺出面自己去搭嘅煙三文魚火腿 凱撒 沙律😂， 睇到都夠曬豐富呀， 平時食煙三文魚沙律邊有咁好餸㗎😂 今日鍾意食幾多有幾多。

食咗個沙律煮菜再來就係食少少其他小食， 春捲同埋 火腿菠蘿pizza都非常唔錯， 食下食下都飽啦😜

最後叫佢上埋杯餐飲就剛剛好啦， 呢杯係加左 利賓納 嘅 fruit punch ， 估唔到佢呢兩個味道加埋係咁協調，正👍

外面outdoor非常寬大， 相信 天氣好嘅時候坐喺出麵食嘢都幾寫意

尖沙咀seafood stand

Seafood stand 聽個名就預咗係嚟食下海鮮啦😋😋 一間主打用海鮮製作嘅快餐店， 方便快靚正價錢又平民化 ，值得推介

蝦兵蟹將burger顧名思義又有蝦又有蟹啦， 係估佢唔到竟然係一隻軟殼蟹咁上畀你， 有驚喜呀 。

軟殼蟹仲要炸到脆卜卜，酥香，甘脆， 一啲油益味都冇， 仲要有埋 刀叉手套跟埋畀你， 很貼心嘅服務。

白酒忌廉藍青口

煮完嘅白酒一啲都唔會好搶口， 仲有提鮮味添， 加上用忌廉製作而成個汁好creamy順滑， 同個藍青口簡直perfect match。

龍蝦香草扁意粉

隻龍蝦大大隻啖啖肉 而且 仲要keep到好彈牙，超正呀！

鹽燒扇貝

燒到個裙邊脆卜卜，嚼勁十足。

因為 扇貝肉 本身唔係味道唔係咁濃，鹽燒配搭 就可以令到佢惹味好多啦。

啤酒醬炸生蠔

雖則 係用啤酒醬炸， 但係一啲啤酒味都冇， 仲要炸到超脆， 不過食嗰陣時一定要好小心因為裏面係好熱㗎啲蠔汁咬落去嘅時候會踊曬出嚟，勁 juicy呀

食呢啲快餐真又炸又香口， 當然要飲汽水同埋啤酒呢啲有氣嘅飲品先夠爽啦。

葵芳夢工房西日料理

知道夢工場近期 最新嘅 推出咗 浜燒海鮮任食， 覺得非常吸引。

於是拿拿聲約幾個朋友一齊 落 去gathering

大扇貝，大蜆，大赤蝦，松葉蟹肩，魷魚筒同埋芝士燒韓國蠔肉， 係任你點嘅。

另外燒蠔同埋甲羅燒就要另外加錢點。

甲羅燒係用蟹子+鵪鶉蛋+蟹肉,

溝埋嚟燒嘅， 十分鮮味 惹味。

第一次咁樣燒大赤蝦食，鮮甜滋味滿分，估唔到係好食到 不得了呀，我哋仲要不停咁encall食咗好多轉添。

加88蚊仲有生蠔任食， 淨係食佢半打已經回曬本啦😂😂

而家真係唔係有好多buffet或者放題有得你飲食生蠔，買少見少， 難得有得加當然一定要點嚟食啦!

話曬係放題梗係要點啲刺身食下啦 ，鮮柱貝，八爪魚，甜蝦，墨魚，三文魚，松葉蟹棒， 全部都係我的至愛呀，仲要點兩三round食 先至夠哂喉!

再來係點咗幾樣小食，呢一個牛肉有點像吉野家洋蔥牛肉丼。

辣味螺肉亦係食放題嘅時候必食小食之一

在點咗兩個芝士燒蟹柳棒 壽司 同埋三文魚 壽司 食下， 過下飯癮😂

Tw心夜來潮

由於爸爸係潮州人， 實在對潮州美食有一種難以解釋嘅鍾情感覺。 

今日同朋友兩個 嚟咗荃灣 既心夜來潮 食晚飯， 聽說這裏是主打新派潮州菜， 點咗幾個小菜

 頭盤點咗個醬醃螄蚶， 味道醃得真係不錯， 鹹鹹的鮮味十足。

再來就係紅棗茸杞子蒸鮑魚，聽個名都覺得夠哂特別同健康， 清蒸就食得多啦原來紅棗蓉 都可以攞嚟蒸鮑魚嘅， 食落味道甜甜哋再加上鮑魚嘅彈性口感， 還真是夠曬獨特。

最後點咗個豬油渣蒸水蛋， 雖然呢一道菜唔係咁夠健康， 但係豬油渣,炸到一點油膩感都無,真係十分香口惹味,令人愛不釋手。

估唔到點個醬醃螄蚶都會有個白粥跟埋😊😊👍👍讚