無辣不歡嘅我，同好姐妹嚟試下呢間雞煲先
除左雞煲之外，都仲有5個湯底選擇，我就梗係二話不說要中辣啦！下次可以試下麻辣。
雞煲好快就嚟到，一上檯已經好香，辣味撲鼻而來，有啲擔心會唔會太辣，滾起，食得喇，辣味岩岩好，又香又辣，好正，食到停唔到口！
食完雞放舊蜂巢炸腐皮，索晒啲辣汁，就算肥都唔理得咁多，跟著加湯打邊爐，煲到白白嘅豬骨湯加落去，每樣嘢嘅份量唔多，可以嗌多幾樣嘢食！牛肉有肉味，唔會好肥，蝦同鱔都好新鮮，仲有花膠添！
火鍋料好多選擇，抵讚！海鮮好新鮮！
食返啲菜先，菜係自助形式咁攞，好似一棵棵花咁擺度，靚靚！
軟雪糕都有好多配料，我鍾意棉花糖！
自助軟雪糕機，有雲呢拿同朱古力兩個選擇！又香又滑，食完辣雞，食返個軟雪糕，真係好正！
沒有留言:
張貼留言