太子陵發潮州打冷

 呢兩日突然之間好想食下打冷， 於是朋友提議不妨去太子陵發 潮式打冷 食， 諗諗下對上一次泥陵發食 潮州打冷 都已經係 7,8年前了， 想當年第一次去陵發捧場嘅時候佢都係得一間鋪， 宜家生意越做越好舖位越開越多。 

有陣時覺得香港人真係好奇怪， 呢間打冷餐牌從來唔標價錢但係又有一大堆人走去食， 咁又無啦啦畀佢做出咗啲卓頭出嚟。 不過如果你想知幾錢都可以問店員嘅，佢哋都會樂意話畀你哋聽的。 不過老實講我覺得佢呢度打冷都幾貴， 間唔時食一次半次我就覺得都ok嘅。

 首先我哋點咗個 生腸大腸 拼豬耳 鹵水拼盤， 味道適中 唔會太鹹 蓋曬食物既原有味道。大腸不會太肥一舊舊 肥膏 ， 令人較易接受，而且炆得好腍 好入味。 生腸和豬耳十分爽脆， 食咗也不會覺得有肥膩感。

 鵝片同鹵水鵝比我選擇我一般都會 揀番鹵水鵝， 一嚟比較 平啲 ，2嚟 我本人比較鍾意食下骨位，有點口感。 因為間間餐廳跟嘅都唔同 ，我多數會講明跟豆腐底，貧佢咁樣又多個餸食下😂。 佢哋個 鹵水鵝 做得都幾出色， 肉質彈牙，唔會霉林林或者韌到痴哂牙。 就是略嫌太多碎骨 ，食嘅時候可要小心哦。

 食完 滷味當然要食返條大眼雞啦， 簡直係缺一不可， 唔食魚嘅朋友都可以不妨一試因為佢唔會太大腥味， 而且 都冇乜細骨， 啖啖肉唔識食魚嘅朋友都可以放心盡情食。 生意好嘅餐廳啲食材都好特別新鮮 雖然條魚凍冰冰但係都一樣食到佢肉質嫩滑，👍讚👍

 必食 炸蠔餅， 蠔仔肉 啖啖肉而且每一 粒都大大隻， 蠔餅夠哂乾身 ，唔會太多炸粉， 香酥惹味。

最後當然要點返一鍋蠔仔粥食啦 唔食都真係對唔住自己 啲蠔大大粒超肥美，成鍋粥夠曬料， 大大鍋足夠六至八人食。