浜燒

出去尖沙咀食飯真係好推介呢一間 浜燒 ， 喺廣東道上樓嘅一間日式餐廳，門口擺滿 充滿 日本  特色嘅裝飾 

 

 簡潔嘅日式裝修 ，一入到去裏面已經見到幾個師傅非常忙碌咁喺度預備菜式招呼每位客人，而且臉上充滿笑容令到你有一種很親切嘅感覺

 outdoor有幾張枱，咁如果依家呢啲天氣清清涼涼坐喺出面，真係都幾舒服。

胡麻蟹籽蟹肉沙律

新鮮嘅什菜上面舖滿鮮甜 嘅蟹肉同蟹籽， 食完包你胃口大開

點咗幾份魚生刺身 ，新鮮彈牙 ，一啲都無腥味， 魚香味十足，油脂分佈均勻，推介喔！

魚生係每日新鮮日本空運到港架

泥浜燒食日本嘢當然要食網燒海鮮啦， 除咗魚生，海鮮都係每日新鮮到港的

這個海鮮拼盤非常吸睛😍，見到已經流曬口水了，等我地影咗一輪相之後，我哋就可以開始燒啦😂

店員會主動幫你 落手落腳去燒架，每款海鮮都會加點清酒落去燒， 從而 帶出海鮮嘅鮮甜味，

北海道大扇貝一人一隻， 超甜 超新鮮彈牙， 食一隻真係唔夠喔， 十分令人回味

燒鮑魚 ， 燒完都唔會覺得韌反而仲有點彈牙嘅口感 ， 都係嗰句😍好新鮮喎 

再嚟係日式甲羅燒，就係將蟹膏同蟹肉混埋，  燒完再放喺多士或者薯片上面去食 ， 十分滋味 

食完刺身和海鮮後，  再點左幾款燒物，佐佐酒😋。

雞翼燒得剛好，外脆內嫩，鎖住肉汁  ，香口惹味 

雞軟骨同雞軟骨芝士棒 爽脆 夠口感。

牛舌 爽得嚟咬落軟淋淋， 牛香味豐富。

豬肉串 都好好味，一點騷味也沒有。