出去花園街行街 街 當然試下去 隔離街嗰間熨烤達人 捧下場啦
最鍾意 時間早就唔需要等位 ，食得又舒服又唔使同人逼， 餐廳嘅裝修好似係鐵皮屋裏面，又感覺好似喺呢個超時空隧道， 食緊嘢咁，感覺都幾輕鬆。
初頭都冇為意咩叫做熨烤達人，原來意思係你食嘅時候會有個熨斗再放上烤肉上面壓住啲肉令到兩面均勻咁樣熟透 。
呢個構思都相當唔錯， 有陣時烤魷魚呀或者其他嘢都唔會匿埋一舊。👍
食韓燒之前禮拜一定要點食番一輪前菜啦。
其實呢啲前菜除咗畀你餐前小食之外， 韓燒期間會加蛋係 旁邊 一齊燒 ，喺煎蛋嘅過程，再加喺裏面做奄列㗎。
點左個二人拼盤 分享都 相當 豐富， 有一件大西冷扒，牛小排 ，五花腩肉 ，牛肉，豬皮 同 少量 雜菜… 睇見各款肉類肥瘦均勻望到都已經流曬口水喇。
呢啲食物都係韓燒缺一不可， 對於食肉獸嘅我 就相當啱曬我胃口啦
我第一次去韓燒唔知道程序嘅朋友絕對可以放心，店員會細心喺旁邊為你講解或者客人唔多嘅時候 ，仲會幫你燒埋添。
初頭我哋唔知頭唔知路都唔知原來呢個熨斗係咁樣放架，而且 店員落蛋漿嘅時候都會提示大家前菜可以加埋落去㗎。
燒五花腩 係一整件燒到差唔多時候，先會再剪成一小塊 慢慢考到佢脆卜卜。
韓烤牛肉基本 輕輕燒兩邊已經可以食， 燒嘅時候已經鎖住肉汁，所以放落口嘅時候 嗰種滿腔油脂嘅感覺， 實在 香而不膩。
哈哈哈 還是頭一次係一 整隻 八爪魚咁去燒 相當壯觀 而且八爪魚亦非常新鮮，爽口。
記得唔好燒咁耐呀如果唔會就韌架啦~
可惜個拼盤冇雞翼燒，惟有另外再點左一碟 烤雞翼 ，火喉控制得剛好，外脆內嫩咬嘅時候小心，因為裏面嘅肉汁真係會濺出嚟㗎。
