今日同幾個朋友去咗呢期好hit嘅鮮入為主
圍煮，火鍋熱點， 位於旺角地點都
好方便。
環境裝修參考大排檔嘅風格， 雖然不是走高檔路線，但感覺頗為親切 ， 優點係 乾淨企理，沒有大排檔嗰種污糟邋遢兼且怕有老鼠行過嘅情況。
放工坐喺度打住邊爐吹下水，感覺很有風味
點餐紙上面沒有列明海鮮，所以必須留意這個海鮮櫃，因為海鮮每天係唔同價錢的。
我們幾個朋友就是太過投入傾偈沒有留意，吃飽了才見到這個海鮮櫃上的價錢牌，認真失策，哈哈~
初頭奇怪點解餐單上面冇ge，還要為這個只不過係裝飾， 食到最後周圍望下望下先發現原來價錢牌擺喺上面，唯有下次嚟先再試下佢哋啲海鮮啦。
原隻鮮雞燉花膠湯$238
一整隻雞 加一大堆花膠去燉，個湯係白色㗎，充滿膠質 ， 又濃又杰又黏口， 簡直覺得飲完 塊面即刻滑哂，超正。
幾個朋友都忍不住一人飲咗兩碗湯 後就叫加湯先再開始打邊爐。
黃色正方形的是黃金麻吉燒， 有點像日式嘅魚蛋，先炸完再打打邊爐，很滋味。
薑汁皮蛋貢丸， 平時我好鍾意食貢丸㗎 ，今日見到呢款薑汁皮蛋鑲喺裏面嘅貢丸好特別呀，攤凍完先至夠膽食，怕會熨口， 薑汁味好濃，皮蛋味道就比較小一點。
見到餐紙上呢款 小籠包魚蛋， 好好奇係乜，點咗泥試，原來係魚丸嘅一款，不過佢就包裝到好似一粒小籠包再用蒸籠上枱，視覺效果幾過癮。
脆炸油炸鬼無論食麻辣火鍋還是其他湯底，一樣咁滋味
手切安格斯，睇住師傅喺個凍肉櫃度攞出嚟放喺砧板道即點即切，真像喺街市肉檔度(唔該比100蚊靚牛呀)，哈哈！
買返屋企食一樣咁新鮮，唔韌 兼且很鮮嫩。
鮮脆鯇， 口感非常爽脆，而且唔會多骨，啱曬我
鮮雞腸，夠哂肥，真係唔係周圍有得食到，總之去親邊度打邊爐都好，有得點我一定會點佢， 唔怕超標嘅朋友 ，必食!
， 加上今日狀態唔係咁好 唯有下次 再嚟再食多啲嘢先
