串酒里

朋友仔生日兩個走咗去 山林道 食串燒🍢， 如果唔係 有朋友介紹 呢間轉 倒入巷仔嘅 串酒里， 真係行過都唔覺眼， 所以話呢想食好嘢 ， 真係要轉角巷中尋😂😂

店舖 唔係好大， 室內裏面坐得四五張枱 ，outdoor就放五張高枱， 幾有格調 食起上泥氣氛都唔錯，雖然30幾度有啲熱，不過都食得幾開心

三十幾度 喺outdoor食串燒, 唔點返兩支啤酒🍺飲真係頂唔順😂😂
估唔到 我左手邊呢支 西柚啤酒會係咁好飲 ,一啲都唔苦，仲要非常清新添，唔覺唔覺好快咁一口氣畀我飲曬一支😀，推介喔👍👍

羊架好厚身好大件呀 ，夠曬騷味， 望上去好似燒到好乾身咁， 出奇地咬落去肉質非常juice， 一啲都唔溜，好惹味呀!

黑松露燒大蝦😍😍 淨係望落去都已經覺得夠曬矜貴😍😍 成隻蝦嘅身價 大大提升😍😍 。
蝦肉本身已帶點鹹海水味， 依家黑松露嘅香味更滲透曬蝦既全身， 好味程度爆曬燈 ，超令人回味呀。

蒲燒鰻魚 ， 燒完乾身香口 ，仲冇咁溜tim

煙肉蠔串 ，燒完嘅煙肉散發著陣陣肉香味，包住肥美既廣島蠔，而蠔略帶海水味，一淡食哂佢，咸香又惹味

最後點左個 泰式鮮蝦， 每次食我都會 將蝦大大力點落 泰式醬汁度， 要令佢沾上大量泰式醬汁我才滿意 。
雖然鮮蝦才是主角，但是我個人認為，醬料也非常重要 ，如果唔係就不夠完美了😆😆