滿堂紅 雞煲

又再encore 滿堂紅，上次試過椰子雞煲（清甜湯）食雞再飲埋個湯，真係好正！

呢次同好姐妹試下濃汁板先！

食完雞之後，先再嗌其他嘢食打邊爐，選擇好多之餘，仲樣樣都好新鮮！

呢度啲小食亦都係我好鍾意，手拍青瓜夠晒入味，蒜泥白肉，個汁簡直冇得輸！仲有個麻辣豬耳，夠香夠辣！

濃汁板雞煲嚟到啦，雞好滑，一啖食落去，有濃濃嘅椰醬包住舊雞，又香又滑！

牛肉有牛味，又唔會一大舊肥膏，嗌多幾碟都得！

特別推介花膠同鯇魚片，仲有冬瓜，吸晒椰汁味，特別好食！

今晚好早開始食，7點半前埋單，仲128蚊一位，任飲任食，真係好抵，仲有啤酒汽水任飲！掛住食都唔記得影低雪櫃有咩飲！Haha!

伊賀

0

朋友仔生日幾個上咗嚟尖沙咀赫德道呢間伊賀食燒肉放題， 星期一至四晚市258蚊 可以食120分鐘 加30蚊仲有汽水任飲價錢都相當吸引。

0

門口行入嚟就係一張大圓吧檯，睇見啲食客坐喺度飲下酒傾下偈， 氣氛都相當唔錯， 其實如果一兩個人人少少上嚟我都鍾意坐喺吧枱度 傾計食野。

0

話明係朋友仔生日仲要兩個咁多 當然要 點個活魚刺身$398， 賀一賀佢啦， 條魚好新鮮肉質仲好彈牙添， 一啲腥味都冇， 十分鮮甜， 果然冇介紹錯。

0

除咗燒肉放題另外仲有刺身可以點下， 甜蝦，三文魚，帆立貝，帶子，蠑螺， 你幾樣都係我最鍾意食嘅刺身，雖然款式唔係好多，但係勝在夠新鮮。

0

如果唔想另外加錢點海鮮拼盤，其實都有幾款海鮮可以包埋你放題食㗎， 大蝦，牛油扇貝， 都係不錯嘅選擇

0

當中呢一個牛油扇貝 燒完 陣陣嘅牛油香味， 我哋n 我哋encore咗幾次添呀

0

另外點左個豬牛雞拼盤 五花腩 豬頸肉雞翼 牛肉粒 雪花牛 不都有啲，食完仲可以再encore

0

蜆，海漫，同埋迷你聖子， 一個個碗仔咁樣戴住放上個爐燒 ，開咗口就食得㗎喇， 有幾過癮喎

0

黃色呢一個係 鰻魚 裏面嗰啲係蛋嚟㗎，燒熟咗之後食都好滑架， 幾特別下

0

食完飽飽 就食個甜品 炸榴槤波波 好正呀 熱辣辣 有香口惹味裏面啲榴槤好似流心咁流出嚟， 所以食嘅時候記得要小心燙口呀

0

埋單仲一人送一個雪糕， 今晚真係大滿足        

18樓雞煲

無辣不歡嘅我，同好姐妹嚟試下呢間雞煲先

除左雞煲之外，都仲有5個湯底選擇，我就梗係二話不說要中辣啦！下次可以試下麻辣。

雞煲好快就嚟到，一上檯已經好香，辣味撲鼻而來，有啲擔心會唔會太辣，滾起，食得喇，辣味岩岩好，又香又辣，好正，食到停唔到口！

食完雞放舊蜂巢炸腐皮，索晒啲辣汁，就算肥都唔理得咁多，跟著加湯打邊爐，煲到白白嘅豬骨湯加落去，每樣嘢嘅份量唔多，可以嗌多幾樣嘢食！牛肉有肉味，唔會好肥，蝦同鱔都好新鮮，仲有花膠添！

火鍋料好多選擇，抵讚！海鮮好新鮮！

食返啲菜先，菜係自助形式咁攞，好似一棵棵花咁擺度，靚靚！

軟雪糕都有好多配料，我鍾意棉花糖！

自助軟雪糕機，有雲呢拿同朱古力兩個選擇！又香又滑，食完辣雞，食返個軟雪糕，真係好正！

荃灣滿屋

相約聚聚放題一餐

有時間梗要相約好姐妹食個放題，值得推介之餘，我都要再encore，因為食得太飽，甜品只食左兩款，軟雪糕都冇食，下次約多幾個朋友嚟先！飲飽食醉！

一坐低梗係嗌左刺身先啦，呢度除左有我至愛嘅牡丹蝦，仲有油甘魚同赤貝，種類都好多，樣樣都好鮮甜，刺身encore左三次，一個字：掂！

小食係自助形式，真係有啲意外，有韓式泡菜，夠酸夠辣，食到停唔到口！

赤貝真係冇得輸，大塊到誇張，差唔多個清酒樽咁大，而且非常厚身，平時食放題都比較小有赤貝，就算有都又係比較薄，呢度有之餘，仲又大又厚，鮮甜味美

海膽手卷，侍應攞嚟嘅時候，好體貼咁提醒我，食左手卷先，一食之下，新鮮做，紫菜仲好脆，飯嘅份量唔多，一啖KO左，海膽非常新鮮

特別推介，池魚壽司，爽身得嚟有油甘，絕對要encore。其他壽司都好新鮮！

泰式生蝦，最緊要個汁夠辣，正呀！

芝麻雞亦尖，估唔到又幾夾！

鍋物都有唔小，廣島蠔鍋，用廣島蠔，蠔味重，豆腐好滑，菜吸晒蠔味，成鍋清晒，仲飲埋啲湯添！

嘩！綿花糖機同爆谷機呀，我第一次自己整綿花糖，好好玩呀！可惜爆谷機維修中，下次再嚟先玩，哈哈！

甜品種類好多，又唔會太甜，讚！

清酒係自助形式，成支擺喺度任飲

自助軟雪糕機，旁邊仲有好多配料，但實在食唔落喇！

Ida Chic by oyster

星期六放早，約朋友食嘢再去行街，路過走試嚟試下，竟然有意外驚喜！

百零蚊個set lunch做有齊餐湯、沙律、主菜、甜品

餐廳樓底夠高，感覺開楊，好舒服

！

牛肝菌忌廉湯，一試檯已經有濃濃牛肝菌香味，香濃幼滑，侍應哥哥仲細心咁幫忙加即磨黑椒，正！

燒西冷牛排配磨菇汁，個湯真在太好味，好期待牛排，一攞到嚟就急不及待，唔記得影相添，五成熟，岩岩好，夠juice，配菜嘅薯仔都好好味，平時唔多食薯仔嘅我，都食左3舊

餐飲咖啡同甜品檸檬芝士蛋糕，我一向都怕食酸嘢，但呢個蛋糕實在值得一讚，醬汁上面加左啲果仁碎，加強左口感，good!

Ida2chic by

行完行搵個地方食嘢，原本諗住是但食啲嘢，但上到嚟實在有驚喜！

一上到嚟最吸引我嘅就係呢個酒櫃，可惜今日得我一個人，下次一定要約埋班姐妹嚟呢度，外面仲有個outdoor位置添！

outdoor 環境好舒服，係鬧市中一點寧靜優美，給我忙裡偷閒嘅感覺！

紅菜頭醃三文魚沙律～醬汁清新，酸度剛好，中和三文魚嘅肥膩，讚！健康好味，女士首選！

香蒜虎蝦欖油扁意粉～一上檯已經好香蒜味，食左兩啖先記得影相，大蝦新鮮，炒意粉都唔會好肥，唔似一般餐廳咁碟底會有好多油，咪睇佢好似細細碟咁，其實份量都唔細，我食唔晒，要留肚食埋甜品。

檸檬芝士蛋糕～口感新鮮而細膩，綿密細緻，大件返小小就好喇，太為食了！